13.nóvember - 20.nóvember - Tbl 46
Faraldurinn bítur ferðaþjónustuna í Grímsey
Halla Ingólfsdóttir í Grímsey.
Halla Ingólfsdóttir rekur ferðaþjónustufyrirtækið Arctic Trip í Grímsey sem býður upp á ýmsa afþreyingu í og við eyjuna. Hún segir að sumarið hafi litið vel út áður en heimsfaraldur Covid-19 skall á.
„Ferðaþjónustan hefur verið í miklu vexti hjá okkur og það stefndi allt í mjög gott sumar. En við erum með það mikla aðlögunarhæfni hér í Grímsey að við aðlögum okkur að breyttum aðstæðum og reynum að gera gott úr því sem við fáum ekki stjórnað,“ segir Halla. „Við vitum líka að það fer allt eftir veðri hvert Íslendingarnir ferðast. Þar sem verður gott veður þar mun fólk hópast saman. Við treystum því svolítið á góða veðrið.“
Ferðaþjónustan sem Arctic Trip hefur boðið upp hefur notið vinsælla meðal erlendra ferðamanna en m.a. hefur verið boðið uppá að snorkla með lundanum. Þá hafa erlendir atvinnuljósmyndarar sótt töluvert í ferðir til Grímseyjar. Halla segir að talsvert hafi því verið um afbókanir meðal erlendra gesta í sumar.
Stefndi í metsumar í þjónustu við skemmtiferðaskip
„Einnig stefndi í met sumar hjá mér varðandi þjónustu við skemmtiferðaskip í sumar. Skipakomur hafa verið að aukast og líka það að skipin hafi pantað þjónustu hjá mér við komuna til Grímseyjar. Þannig að það stefndi í metsumar og svekkelsið er vissulega mikið. En það er lítið við því að gera.“ Hún segir þó engan bilbug vera að finna á Grímseyingum. „Ég held að þegar ástandið verður eðlilegt á ný þá munum við halda okkar. Við höfum mikla sérstöðu og erum t.d. með bókanir í gistingu til ársins 2022,“ segir Halla Ingólfsdóttir.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
