Er þetta satt?
Eins og bæjarbúar hafa tekið eftir skal reiturinn sunnan Bautans (svokallaður Drottningarbrautarreitur) gerður byggingarhæfur. Og gildir einu hvað ég eða aðrir tuða, því verður ekki breytt. Enda gott að hylja með því móti ljóta húsveggi, er okkur sagt, sem þarna blasa við þeim sem aka Drottningarbrautina. Í bígerð er að BSO-reiturinn, suður að Kaupvangsstræti, hljóti sömu örlög. 
Í brekkubænum Akureyri eru bílastæðin á Drottningarbrautar- og BSO-skikanum ákaflega mikilvæg miðbænum. Það er að minnsta kosti sannfæring mín. Að auki hefur mér sýnst BSO-reiturinn nýtilegur samkomustaður á tyllidögum.
Þeir fræðingar sem hafa miðbæinn á sinni könnu segja mér að anda rólega. Bílastæðum muni ekki fækka í miðbænum þótt byggt verði á títtnefndum reitum. Þvert á móti. Þeim mun fjölga, fullyrða þeir.
Lítum á Drottningarbrautarreitinn. Þar eru nú 200 almenn bílastæði en verða 219 þegar byggingarframkvæmdum lýkur, segir í deiliskipulagi. Já, þið lásuð rétt. Þegar öll húsin verða risin á þessu stóra bílaplani austan Hafnarstrætis mun stæðum þar hafa fjölgað úr 200 í 219, segja fræðingar, og eiga eingöngu við almennings bílastæði.
Ég dreg síðari töluna í efa. Þó skal þess getið að þegar ég rýni betur í skipulagshugmyndir yfirvalda sé ég ekki betur en að þau hyggist breikka skipulagsreitinn út á Drottningarbraut. Þannig á að verða til langt og mikið bílastæði undir húsvegg allra nýju íbúðarhúsanna og einnig við hótelið syðst. Nú skilst mér að Vegagerðin hafi áform um breikkun Drottningarbrautar til vesturs. Þetta virðist ekki ganga upp lengur, nema þá að langa bílastæðið hverfi? Eða að Vegagerðin kúvendi og breikki götuna í austur, yfir nýja göngu- og hjólastíginn. Viljum við það?
Hér stefnir í töluvert óefni sem bæjarfulltrúar verða að svara fyrir. Kannski hef ég rangt fyrir mér en vonandi mun á það reyna áður en hlaupið verður til og öllu umbylt á BSO-reitnum og Glerárgatan mjókkuð. En á því skipulagssvæði, sem nær reyndar yfir mun stærra svæði en bara bílaplanið austan Skipagötu, á bílastæðum einnig að fjölga: Fara úr 794 í 840, segir í deiliskipulagi miðbæjar. Engu að síður á að þekja BSO-torfuna með byggingum.
Höfum hugfast að eitt meginmarkmið miðbæjarskipulags er að fá Akureyringa til að flytjast í miðbæinn í ríkari mæli en verið hefur. En er líklegt að það gerist? Munu bæjarbúar flykkjast í fjölbýlishúsin á Drottningarbrautarreitnum? Ég held ekki. Mikil umferð verður fast við austurhlið húsanna – eftir Drottningarbrautinni og á almenningsbílastæði sem þar verða undir húsvegg – orlofsíbúðakaupendur munu líta þau girndaraugum og öll bílastæði við húsin, sem ekki eru í bílakjallara, eru til almenningsnota. Mér er spurn, hversu hrifnir yrðu til dæmis íbúar blokkanna við Brekkugötu ef bílaplanið þeirra væri almennt notað af viðskiptavinum Glerártorgs?
Stærsta spurningin er þó; hvað verður um miðbæ Akureyrar ef á daginn kemur, þvert ofan í fullyrðingar fræðinga, að ökumenn eigi þar lítið skjól fyrir ökutæki sín?
Greinin birtist fyrst í Vikudegi.
-Vikudagur, 26. maí
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
