Rakaskemmdir í Brekkuskóla
Úttekt vegna hugsanlegra rakaskemmda í Brekkuskóla, sem gerð var í vor, sýnir skemmdir á afmörkuðum svæðum. Að mati sérfræðinga Mannvits eiga skemmdirnar ekki að hafa áhrif á kennslu eða annað starf innan skólans, enda hafi verið gripið til fullnægjandi ráðstafana. Úrbætur er þegar hafnar, sem og vinna við fyrirbyggjandi aðgerðir.
Síðastliðið vor ákvað umhverfis- og mannvirkjaráð Akureyrarbæjar að ráðast í úttekt á loftgæðum í skólamannvirkjum. Útektin var fyrst og fremst hugsuð sem fyrirbyggjandi aðgerð. Verkfræðistofan Mannvit, sem hefur víðtæka reynslu af slíkri vinnu, var fengin til að gera úttektina í Brekkuskóla, sérstaklega með tilliti til hugsanlegra raka- og mygluskemmda. Vísbendingar um örveruvöxt sem líklegast er að komi frá rakaskemmdum fundust á afmörkuðum svæðum innan veggja skólans. Sérfræðingar Mannvits töldu að grípa þyrfti til ráðstafana sem er að hluta til lokið, en að þeim uppfylltum eigi skemmdirnar ekki að hafa áhrif á kennslu eða annað starf innan skólans. Unnið er að því að úrbótum verði lokið fyrir skólabyrjun.
Höfuðáhersla á að klára viðgerðir áður en skólinn hefst
Starfsmenn Mannvits fóru um byggingarnar í fylgd umsjónarmanna húsnæðisins og fengu upplýsingar um hvar rakaskemmda hefði orðið vart. Mannvit beindi aðallega sjónum að þeim stöðum en einnig voru aðrir hlutar skólans skoðaðir og tekin sýni víða í húsnæðinu. Samtals voru 35 sýni tekin og af þeim voru 26 send til greiningar. Í 10 af 22 ryksýnum fundust vísbendingar um rakaskemmdir. Einnig voru 4 sýni úr byggingarefni, sem hugsanlega var talið skemmt, send til greiningar og ummerki um örveruvöxt fannst í þeim. Úrbætur á þeim stöðum þar sem sýnin voru tekin eru þegar hafnar og hluta þeirra lokið. Höfuðáhersla er lögð á að klára allar viðgerðir sem og að fara í fyrirbyggjandi aðgerðir áður en skólastarf hefst. Þegar viðgerðum á skemmdum verður lokið, verður strax ráðist í víðtækar hreingerningar á húsnæðinu og að því loknu verður sýnataka fljótlega endurtekin.
Niðurstaða starfsmanna Mannvits er að örveruvöxturinn muni ekki hafa áhrif á skólastarf, enda verði strax farið í lagfæringar og gripið til viðeigandi ráðstafana til að draga úr mögulegum áhrifum skemmdanna.
Úttektir á loftgæðum í skólamannvirkjum er langtímaverkefni Akureyrarbæjar sem haldið verður áfram á næstu mánuðum og misserum. Nú þegar hefur verið gerð úttekt í Oddeyrarskóla og er niðurstaðna að vænta innan tíðar.
Skólasetning verður í Brekkuskóla fimmtudaginn 22. ágúst nk. Þetta kemur fram í frétt á heimasíðu Akureyrarbæjar
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
