13.nóvember - 20.nóvember - Tbl 46
Eitt lítið atriði um reglur við kaup á skólamáltíðum-Má breyta smá?
Margrét Þóra Þórsdóttir.
Í gamla daga var það þannig hjá Amtsbókasafninu á Akureyri að hver og einn notandi safnsins með gilt skírteini hafði heimild til að fá lánaðar fjórar bækur og hafa þær í mánuð mest. Stundum hef ég velt því fyrir mér af hverju fjórar bækur en ekki einhver önnur tala. Var búið að reikna út að meðalmaðurinn árið 1965 læsi eina bók á viku. Og þá eins gott að hafa fyrir honum vit og láta hann ekki rogast heim til sín með bækur sem aldrei yrðu lesnar. Eða var einhver allt önnur skýring?
Formáli þessi er hafður á af því að í okkar ágæta bæjarfélagi er í gildi ein svona svona tilskipun, regla eða eitthvað sem er til þess fallin að furða sig á.
Tvívegis hef ég óskað eftir skýringu en í hvorugt skiptið haft erindi sem erfiði, ekkert svar hefur borist. Nú freista ég þess í þriðja sinn að kreista út svar með þessu greinakorni hér í Vikudegi, fyrir allra augum.
Akureyrarbær stendur fyrir umfangsmikilli matsölu í hádeginu alla virka daga með rekstri mötuneyta í leik- og grunnskólum bæjarins. Fyrirkomulag matsölunnar í grunnskólunum er með þeim hætti að hægt er að vera áskrifandi og kaupa allar mátíðir sem í boði eru en einnig er hægt að kaupa stakar máltíðir. Vilji menn kaupa staka máltíð, þá er hún aldeils ekki stök þannig séð, þær verður að kaupa 10 saman í kippu. Það má kaupa fleiri en ekki færri. Og það verður að nýta þessar 10 stöku máltíðir innan sama mánaðar.
Auðvitað er mjög algengt að bjóða upp á 10 af þessu og 10 af hinu. Nærtækt dæmi er 10 miða kort í sundlaugar bæjarins. Hvað þau varðar er ekki niðurnjörvað að nota verði allt kortið innan mánaðar. Og því er spurt; Ef ekki er hægt að bjóða kaupendum að velja hversu margar máltíðir þeir kjósa að kaupa í hverjum mánuði, er þá möguleiki að setja upp sama fyrirkomulagi og í sundlaugunum. Selja 10 máltíðir saman í einhvers konar korti og amast ekki við því þó farið sé yfir mánaðamót.
Þessi spurning er ekki sett fram að ástæðulausu. Hér í bæ eru börn sem kjósa að borða hvorki kjöt né fisk. Ef til vill full hastarlegt að segja að þeim sé úthýst úr skólamötuneytum, en alveg ljóst að þau finna ekki 10 máltíðir við hæfi innan mánaðarins. Nær lagi að þær séu 5 eða 6.
Hér er ekki verið að viðra skoðanir á því hvort betra er fyrir börn og umhverfi að borða langtaðkomna baunastöppu eða kjöt af búpeningi sem valsað hefur um eyfirskar grundir. Bara að grænmetisbörnin geti verið með þegar það hentar þeim.
Í annarri grein gæti svo verið upplagt að spyrja um verðið á stöku máltíðunum. Sem heldur betur snarhækkar frá áskriftarverðinu, eða um heil 26%. Úr 446 krónum upp í 599 krónur. Vissulega er sá háttur jafnan hafður á í viðskiptum að bjóða afsláttarkjör. Því meira sem keypt er því lægra er verðið. Allir sáttir við það. En er þarna ekki fullmikið í lagt?
-Margrét Þóra Þórsdóttir. Höfundur er blaðamaður og amma grunnskóladrengs sem frekar vill borða gulrót en gúllasbita.
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
