Bakþankar bæjarfulltrúa Að skipta um skoðun
Hafið smá þolinmæði með mér. Mig langar til að byrja á lítilli sögu af þeim skáldbræðrum og vinum, skáldinu á Sandi, Guðmundi Friðjónssyni, og þjóðskáldinu, Matthíasi Jochumssyni. Eitt sinn sem oftar leit Guðmundur við hjá vini sínum á Sigurhæðum. Þeir höfðu um margt að spjalla, báðir skrafhreifnir og áhugasamir um menn og málefni. Loks kemur þó að kveðjustund og þar sem þeir eru komnir út á tröppu spyr Guðmundur skyndilega: „Geturðu sagt mér, Sigurhæðabúi, hvernig ég muni geta haldið mér andlega ungum til æviloka?“
Matthías svaraði samstundis: „Það get ég sagt þér, minn elskulegi, með því að skipta oft um skoðun.“
Og nú hef ég skipt um skoðun. Í kosningabaráttunni var ekki laust við að ég hneykslaðist á nýlega upptekinni gjaldtöku vegna bílastæða. Jamm, ég átti bara ekki til orð yfir þessum enn eina skattinum sem væri lagður á okkur borgarana. Og svo fjárans tæknibrellan sem fylgdi með. Borga með smáforriti og til að bæta gráu ofan á svart áttu einhverjir gæjar í Reykjavík eða jafnvel úti í hinum stóra heimi að taka svo og svo stóra sneið af skattinum.
Ég skal sko berjast með kjafti og klóm gegn þessari áníðslu, minnir mig að ég hafi sagt - vona þó ekki. Því að þá hef ég gengið á bak orða minna. Það runnu nefnilega á mig tvær grímur þegar ég fór að vasast í málum – og hugsa. Stæðin kosta peninga. Eiga allir skattgreiðendur að taka jafnan þátt í þeim kostnaði eða aðeins þeir sem nota, spurði ég sjálfan mig. Ég var á báðum áttum, líka vegna þessara gæja sem taka upp undir hundrað kall af hverju stöðumælagjaldi. En eiga þeir ekki líka að fá eitthvað fyrir sinn snúð, rökræddi ég við sjálfan mig. Enn tvístígandi.
En viti menn, svo varð barbabrella sem fáa óraði fyrir. Nú getum við nefnilega greitt beint til Akureyrarbæjar þegar við leggjum bílunum okkar á gjaldstæði. Sláum inn hjá gúgúl frænda, akureyri.is, biðjum um bifreiðastæðasjóð. Þá kemur á skjáinn blár borði; Sjá nánari upplýsingar. Við smellum þar og þá birtist á skjánum: Greiða fyrir gjaldskyld stæði - og þá er bara að hlýða.
Og ég segi það satt, að úr því að sá tæknifatlaði maður sem ég er getur klórað sig fram úr þessu þá geta það bókstaflega talað allir. En kannski hef ég hef það umfram marga aðra að hafa skipt um skoðun sem ríður ef til vill baggamuninn hér.
Jón Hjaltason, óháður
Nýjast
-
Veður- og sólfar sem og skaðvaldar geta ráðið hve mikil haustlitadýrðin er
„Haustlitir á birki virðast koma hægt þetta árið og getur bæði spilað inn í faraldur skaðvalda og svalt sumar,“ segir Pétur Halldórsson kynningarstjóri Lands og skóga. Birki á svæðinu er illa útleikið eftir tvo nýlega skaðvalda sem herjuðu sérstaklega illa á það hér um slóðir í sumar. -
Gleymum ekki fólkinu á Gaza
Í dag laugardag eru ráðgerðir viðburðir um allan heim til að minnast þess og mótmæla að þjóðarmorð hafa átt sér stað á G A Z A í heilt ár. -
Viðamiklar framkvæmdir í Hrafnagilshverfi
Viðamiklar framkvæmdir hafa staðið yfir undanfarnar vikur í Hrafnagilshverfi í Eyjafjarðarsveit þar sem breyta þurfti lagnaleiðum, koma fyrir nýjum lögnum/strengjum, afleggja og endurnýja eftir þörfum í nokkuð flókinni framkvæmd þar sem samræma hefur þurft vinnu nokkurs fjölda veitu- og fjarskiptafyrirtækja. -
Nemendur í vélstjórn komust í feitt
Heimasíða Samherja segir frá því að nemendum í vélstjórn við Verkmenntaskólann á Akureyri gafst nýverið kostur á að fylgjast með endurbótum á sveifarási frystitogarans Snæfells EA, sem er í eigu Samherja. Um er að ræða sérhæft verkefni, sem krefst mikillar nákvæmni og voru erlendir sérfræðingar fengnir til landsins í tengslum við vélarupptekt og slípun á sveifarási. -
Snýr aftur í heimahagana
Gabríel Ingimarsson snýr aftur í heimahagana og tekur við stöðu rekstrarstjóra Hríseyjarbúðarinnar eftir nokkurra ára fjarveru með viðkomu í Reykjavík, Laugum í Reykjadal og Brussel. -
Zontaklúbburinn Þórunn hyrna heldur afmælishóf og listaverkauppboð - Helena Eyjólfsdóttir heiðruð fyrir 40 ára starf fyrir klúbbinn
„Starf Zontaklúbbsins Þórunnar hyrnu er í nokkuð föstum skorðum. Við hittumst einu sinni í mánuði frá september og fram í maí á fundum þar sem tekin eru fyrir málefni sem tengjast Zontastarfinu, við njótum þess að vera saman og gleðjast, það er alltaf mikil gleði sem fylgir okkar samveru,“ segir Sesselja Sigurðardóttir talsmaður Zontaklúbbsins Þórunnar hyrnu og fyrrverandi svæðisstjóri Zonta á Íslandi. Klúbburinn heldur upp á 40 ára afmæli sitt í Deiglunni næstkomandi laugardag, 5. október kl. 15. Þar verður afmælisboð og efnt til listaverkauppboðs. Bæjarbúum er boðið að koma og fagna með Zontakonum. -
Góð gjöf Hollvina SAk
Hollvinir komu á dögunum færandi hendi með nýjar speglunarstæður á skurðstofur. Þeir létu nú ekki þar við liggja og færðu speglunardeild þvottavélar til handa speglunartækjum. -
Starfsleyfi til fiskþurrkunar á Laugum í Reykjadal framlengt um hálft ár
„Fiskþurrkun Samherja að Laugum er fjölmennur vinnustaður í sveitarfélaginu og lýsir sveitarstjórn þungum áhyggjum af stöðu mála, þar sem óljóst er um framtíð starfanna,“ segir í bókun sem Jóna Björg Hlöðversdóttir lagði fram á fundi sveitarstjórnar Þingeyjarsveitar. Þurrkun fiskafurða á Laugum var þar til umræðu. -
Bakþankar bæjarfulltrúa Að skipta um skoðun
Hafið smá þolinmæði með mér. Mig langar til að byrja á lítilli sögu af þeim skáldbræðrum og vinum, skáldinu á Sandi, Guðmundi Friðjónssyni, og þjóðskáldinu, Matthíasi Jochumssyni. Eitt sinn sem oftar leit Guðmundur við hjá vini sínum á Sigurhæðum. Þeir höfðu um margt að spjalla, báðir skrafhreifnir og áhugasamir um menn og málefni. Loks kemur þó að kveðjustund og þar sem þeir eru komnir út á tröppu spyr Guðmundur skyndilega: „Geturðu sagt mér, Sigurhæðabúi, hvernig ég muni geta haldið mér andlega ungum til æviloka?“ Matthías svaraði samstundis: „Það get ég sagt þér, minn elskulegi, með því að skipta oft um skoðun.“
