Auka þarf úrræði fyrir börn frá brotnum heimilum
Brýnt er að koma upp sérstöku fjölskylduheimili á Akureyri fyrir börn sem koma frá brotnum heimilum. Barnaverndarmálum er að fjölga og þau eru orðin þyngri en áður. Þetta segir Vilborg Þórarinsdóttir forstöðumaður barnaverndar á Akureyri.
Á fundi velferðarráðs Akureyrarbæjar nýverið voru kynntar tillögur um fjölskylduheimili. Þar kom fram að fjölskylduheimili myndi minnka þörf fyrir vistun barna utan heimilis. Í fjölskylduheimili yrði unnið með viðkvæmar fjölskyldur þar sem foreldrar þurfa verulegan stuðning í foreldrahlutverkinu. Fram kom að um lögbundið úrræði er að ræða, þörfin mikil og forvarnargildið ótvírætt.
„Þetta yrði viðbót við þau úrræði sem eru í boði og nýtt í flórunni hér á Akureyri en samskonar heimili er í Reykjavík. Fyrst og fremst er þetta úrræði í þyngri barnaverndarmálum þar sem Barnavernd þarf að hafa afskipti af heimilum,“ segir Vilborg í samtali við Vikudag. „Mál tengt börnum eru að verða þyngri en áður og vandinn flóknari. Við erum líka að hugsa þetta þannig að með því að vera með fjölskylduheimili geta foreldrar verið nær börnunum sínum. Ein hugmyndin er sú að annars vegar verði þetta vistun barna þar sem foreldrar koma á vökutíma og hins vegar yrði íbúð inn á heimlinu þar sem foreldrar búa með börnunum. Með því opnast tækifæri fyrir markvissari kennslu og greiningu.“
Alvarlegum málum fjölgað
Eins og fram kom í frétt í blaðinu í sumar hefur barnaverndartilkynningum á Akureyri fjölgaði um 78 á milli ára og þar áður fjölgaði tilkynningum um 66. Þetta er rétt yfir 15% fjölgun. Á árinu 2017 var tekið við 594 barnaverndartilkynningum og hafin var könnun að eigin frumkvæði í 16 málum. Málefni 304 barna voru til könnunar og meðferðar á árinu auk málefna sex ófæddra barna. Í árskýrslu Akureyrarbæjar segir að fjölgun barnaverndartilkynninga veki athygli en þess hefur raunin verið frá árinu 2014. Þá kemur fram að á árinu 2017 var áberandi mikil fjölgun tilkynninga um vanrækslu varðandi umsjón og eftirlit og stærsti liður þar er vegna áfengis- og fíkniefnaneyslu foreldra. Á árinu 2017 bárust 315 tilkynningar vegna vanrækslu á móti 197 tilkynningum af sömu ástæðu árið 2016.
Fjórar fjölskyldur í einu gætu nýtt sér úrræðið
Vilborg segir að áætluð þörf séu að 2-4 börn í einu myndu nýta sér aðstöðuna á fjölskylduheimilinu. „Við erum að hugsa um 2-3 rými í greiningarvistun og eitt rými í fjölskylduíbúð. Þetta væru því um fjórar fjölskyldur í einu sem myndu nýta sér úrræðið.“ Vilborg segir úrræðið dýrt en leggur áherslu á þörfin sé mikil. „Þetta myndi veita betri og faglegri þjónustu í þessum málum í bæjarfélaginu og er eitt af því sem við þurfum að koma í gagnið til að styðja við fjölskyldur sem þurfa á þessu að halda,“ segir Vilborg. Velferðarráð hefur vísað málinu til bæjarráðs og leggur til að málið fái framgang í fjárhagsáætlun næsta árs.
Nýjast
-
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni.
