13.nóvember - 20.nóvember - Tbl 46
Auglýsa eftir nýjum aðila til að reisa hótel
Áfram er stefnt að því að hótel muni rísa á lóðinni við Hafnarstræti 80.
Akureyrarbær mun auglýsa lóðina við Hafnarstræti 80 að nýju með það fyrir augum að reist verði hótel á reitnum. Þetta segir Guðmundur Baldvin Guðmundsson formaður bæjarráðs Akureyrar í samtali við Vikudag. Eins og greint var frá í blaðinu fyrir skemmstu hefur KEA skilað lóðinni við Hafnarstræti 80 til bæjaryfirvalda og því verður ekki af byggingu hótels á lóðinni af hálfu félagsins. KEA hefur undanfarin ár áformað að reisa og leigja 150 herbergja hótel við Hafnarstræti 80 eða á svokallaðri Umferðarmiðstöðvarlóð.
Mikið í mun að hefja framkvæmdi á lóðinni
Halldór Jóhannsson, framkvæmdastjóri KEA, sagði í samtali við blaðið að ekki hafi skapast skilyrði fyrir því að áform félagsins á lóðinni gangi eftir eins og lagt var upp með. Guðmundur Baldvin segir að bæjaryfirvöldum á Akureyri sé mikið í mun að framkvæmdir á þessari lóð sem og á miðbæjarsvæðinu öllu hefjist sem fyrst og ætla sér að setja sérstakan kraft í þá vinnu á þessu ári. „Við erum nýbúinn að stofna vinnuhóp um miðbæjarsvæðið til að ýta verkefnum af stað. Varðandi lóðina við Hafnarstræti, þá ætlum við að auglýsa hana og sjá hvort það sé aðili þarna úti sem vill byggja hótel. Ef það er ekki áhugi fyrir lóðinni þá þarf að bregðast við því,“ segir Guðmundur Baldvin.
Segir KEA hafa fengið ítrekaðan frest
Halldór Jóhannsson sagði í viðtali í blaðinu að það væru mikil vonbrigði fyrir KEA að skila lóðinni og að ekki væri skilningur á því hjá bæjaryfirvöldum að bíða með verkefnið vegna erfiðra ytri skilyrða. KEA hafi eytt miklum tíma og fjármunum í undirbúning þessa verkefnis. Guðmundur Baldvin segir að KEA hafi ítrekað verið veittur frestur til framkvæmda. „Síðast var KEA veittur frestur á fundi skipulagsráðs þann 13. mars 2019 og þá til 1. maí 2019. Lóðin var síðan ekki tekin formlega tilbaka fyrr en undir lok árs 2019 eða um tveimur árum eftir að hún var byggingarhæf. Það var ekkert sem benti til þess að félagið myndi hefja framkvæmdir og þótti þá rétt að taka lóðina til baka og fela sviðstjóra skipulagssviðs að auglýsa hana aftur.“
„Kjörin staður fyrir hótel“
Guðmundur Baldvin segir ennfremur að hann sé bjartsýnn á að hótel muni á endanum rísa á lóðinni við Hafnarstræti. „Þetta er kjörin staður fyrir hótel og ég reikna með að við munum auglýsa þetta sem allra fyrst. Svo þurfum að bíða og sjá hvað verður.“
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
