13.nóvember - 20.nóvember - Tbl 46
Átak í að laða fleiri gesti og sýningum verði fækkað
Listasafnið á Akureyri.
Endurskoðuð áætlun stjórnenda gerir ráð fyrir um 19 milljónum króna framúrkeyrslu Listasafnsins á Akureyri. Tekjur vegna leigu af rými fyrir kaffihús og gestavinnustofur skiluðu sér ekki.
Rekstur kaffihússins gekk illa og stóð ekki undir leigugreiðslum en þrátt fyrir þá staðreynd verða það að teljast mistök að hálfu safnstjóra að leiga var ekki innheimt. Tap á rekstri kaffihússins þessa þrjá mánuði sem Listasafnið rak það í sumar er ekki til að laga ástandið. Þetta kemur fram í rekstrarúttekt á Listasafni Akureyrar sem unnin var að beiðni bæjaryfirvalda.
Eins og áður hefur verið fjallað um stefnir í verulegt tap á rekstri safnsins á árinu. Í úttektinni eru samandregnar ástæður framúrkeyrslu 2019 í stórum dráttum: „Tekjur skiluðu sér ekki og m.a. vegna þess að ekki hefur tekist að klára framkvæmdir til að koma húsnæði í leigu sbr. Ketilhúsið og gestavinnustofur. Tekjur af leigu rýmis fyrir kaffihús voru engar, tap var af rekstri kaffihúss yfir sumartímann og verulegar vanáætlanir og/eða of mikill kostnaður í tengslum við sýningarhald. Þá var skortur á yfirsýn stjórnenda á rekstri safnsins. Listasafnið mun ekki með nokkru móti standast fjárhagsáætlun 2019,“ segir í úttektinni.
Ýmsar tillögur til hagræðingar
Nokkrar tillögur eru nefndar til hagræðinga á Listasafninu. Meðal annars að þegar það fæst nýr rekstraraðili að kaffihúsinu skal skoðað vel að í samningi verði rekstraraðila falið að sjá um að manna móttökuna fyrir Listasafnið. Yfir vetrartímann ætti að vera hægt að ná hagræðingu í starfsmannahaldi með því móti. Gefin verði meiri tími á milli sýninga í hverju sýningarrými til að starfsmenn safnsins geti sinnt uppsetningu og niðurtöku á sýningum þannig að sem minnst þurfi að kaupa utanaðkomandi verktaka í þau verk. Hætt verði að veita áfengi endurgjaldslaust við opnanir, hætt verði að senda út prentuð boðskort á opnanir sýninga heldur eingöngu sent út á netinu, skoðað verði að vera með sýningarbækling eingöngu á rafrænu formi eða minnka og fækka verulega prentuðum eintökum.
Þá eru sýningarrými mjög mörg og þeirri spurningu velt upp hvort endurskoða eigi það fyrirkomulag. Þá þurfi að gera átak í markaðsetningu á Listasafninu til að laða að fleiri gesti. Einnig þurfi safnstjóri að hafa mun meira samráð við deildarstjóra Akureyrarstofu og eftir atvikum sviðsstjóra og auka þarf stuðning við stjórnendur er varðar fjárhagsáætlunargerð. Sýningaáætlun 2020 verði strax tekin til endurskoðunar og sýningum fækkað.
Viðauki uppá rúmar 4 milljónir
Í bókun stjórnar Akureyrarstofu segir að í úttektinni komi skýrt fram hvað hafi farið úrskeiðis. Stjórnin leggur áherslu á að upplýsingagjöf stjórnenda til stjórnar verði bætt til muna, samráð aukið, að fjárhagsáætlun sé fylgt í hvívetna og farið sé eftir réttum verklagsreglum vegna fjárhagslegra frávika. Þá hefur Stjórn Akureyrarstofu samþykkt að óska eftir því við bæjarráð að veittur verði viðauki við fjárhagsáætlun Listasafnsins að upphæð kr. 4.200.000 til að koma til móts við vanreiknaða innri leigu.
Nýjast
-
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF.
