13.nóvember - 20.nóvember - Tbl 46
Akureyrarbær braut á konu að mati Umboðsmanns Alþingis
Akureyrarbær hafði enga heimild til að afturkalla ráðningu konu sem ráðin hafði verið í starf verkefnastjóra Akureyrarstofu. Þetta er álit Umboðsmanns Alþingis og greint var fyrst frá á vef Ruv.is.
Konan var metin hæfust umsækjenda og henni tilkynnt að hún fengi starfið. Nokkru síðar var henni svo tilkynnt að ráðningin hefði verið afturkölluð þar sem hún hefði ekki lokið BA eða BS-prófi frá háskóla. Í auglýsingu var háskólapróf eitt þeirra skilyrða sem umsækjendur yrðu að uppfylla. Konan hefur lokið 2ja ára prófi í blaðamennsku frá háskóla í Noregi og eins árs grunnnámi við Háskóla Íslands.
Umboðsmaður telur að Akureyrarbær sé bundinn af því orðalagi sem var í auglýsingunni og geti ekki breytt hæfniskröfum eftirá. Hvergi í auglýsingunni sé að finna kröfu um að hafa lokið bakkalárgráðu. Mörgum prófgráðum sé hægt að ljúka á styttri tíma og teljast þau engu að síður fullnaðarpróf.
Umboðsmaður telur að Akureyrarbær hafi því brostið skilyrði til að afturkalla ráðningu konunnar og enn fremur hafi bærinn ekki veitt henni neinn frest eða ráðrými til þess að mótmæla ákvörðun bæjarins. Því hafi málsmeðferð Akureyrarbæjar ekki verið í samræmi við rannsóknar- og andmælareglu stjórnsýslulaga.
Umboðsmaður Alþingis beinir þeim tilmælum til Akureyrarbæjar að leita leiða til að rétta hlut konunnar og að taka framvegis mið af þeim sjónarmiðum sem koma fram í álitinu er fram kemur í frétt Rúv um málið.
Akureyrarbær leitar sátta
Þá greinir Rúv frá því að Akureyrarbær ætli að boða konuna til sáttafundar vegna málsins. Þórgnýr Dýrfjörð, deildarstjóri Akureyrarstofu, segir að bærin hyggist fara að ábendingu umboðsmanns og boða konunnar til sáttafundar. Snæfríður Ingadóttir, konan sem í hlut á, sagði í samtali við fréttastofu Rúv að hún fagni því, en beri fundirnir ekki árangur, útilokar hún ekki að fara með málið fyrir dómstóla.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
