20. nóvember - 27. nóvember - Tbl 47
N4 býður upp á afmæliveislu í tilefni fullveldsins
Á degi íslenskrar tungu, föstudaginn 16. nóvember, býður sjónvarpsstöðin N4 upp á afmælisveislu í tilefni af 100 ára afmæli fullveldisins. Guðni Th. Jóhannesson, forseti Íslands, ræðir þar um mikilvægi þessara tímamóta og hvaða sýn hann hefur á embætti forseta og þróun þess. Skólabörn spá í hversdagslega hluti úr fortíðinni og hópur valinna einstaklinga lítur yfir farinn veg og spáir í framtíðina í ljósi fortíðar, segir í tilkynningu.
N4 fékk styrk úr sérstökum afmælissjóði á vegum Alþingis til þess að vinna þátt í tilefni þessara tímamóta. Forseti Íslands er heiðursgestur er viðtalið við hann er tekið í gamla bænum á Grenjaðarstað í Aðaldal. Þar segir hann frá hugmyndum sínum um embætti forseta og hvernig það hefur þróast í tímans rás. Hann segir líka frá mikilvægi fullveldis landsins 1918.
Hluti þáttarins er tekinn upp í gömlu rafstöðinni við Glerá á Akureyri til þess að undirstrika gildi raforkunnar í þróun síðustu 100 ára. Þar voru mætt til leiks þau Jóhanna E Pálmadóttir bóndi og framkvæmdastjóri, Ragnar Þór Pétursson, formaður Kennarasambands Íslands, Edda Hermannsdóttir hagfræðingur og Hjörleifur Stefánsson, arkitekt. Einnig er rætt við þá Braga Guðmundsson og Pál Björnsson, prófessora við Háskólann á Akureyri um árið 1918 og hlut Jóns Sigurðssonar í baráttunni fyrir sjálfstæði þjóðar.
Minjasafnið á Akureyri hefur stutt við gerð þessa þáttar með ýmsum hætti, m.a. valið gamla hluti til þess að sýna skólabörnum og leyfa þeim að velta fyrir sér hlutverki þeirra. Þar koma fram mörg áhugaverð svör og spurningar. Er til dæmis hægt að baka vöflur með teppabankara og er hægt að nota kortastaujara til þess að mæla fótstærð ?
„Við höfum lagt áherslu á að gera þáttinn léttan og aðgengilegan fyrir alla aldurshópa og vonum að áhorfendur N4 hafi gaman af því að horfa á þetta efni á degi íslenskrar tungu, deginum sem er tileinkaður Jónasi Hallgrímssyni, einum að þeim sem börðust fyrir sjálfstæði þjóðarinnar”, segir Sigrún Stefánsdóttir umsjónarmaður þáttarins.
Nýjast
-
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni.
