20. nóvember - 27. nóvember - Tbl 47
Stúlknakórinn söng í Danaveldi
Stúlknakór Húsavíkur eftir lokatónleikana við Musikteatret, Holsterbro. Mynd: Kolbrún Ada.
Stúlknakór Húsavíkur er nýkominn heim frá Danmörku eftir vel heppnað norrænt kóramót sem heitir Norbusang.
Á hverju ári er þetta kóramót haldið víðs vegar um norrænu löndin og verður t.d. haldið á Íslandi árið 2018. Að þessu sinni voru 5 kórar frá Íslandi mættir til leiks, Stúlknakór Húsavíkur, Kór Lækjarskóla, Kór Öldutúnsskóla, Skólakór Vatnsendaskóla og Liljurnar frá Austfjörðum.
Kóramótið var haldið í Holsterbro á Jótlandi. Eftir næturkeyrslu frá Húsavík mættum við á Keflavíkurflugvöll þaðan sem við flugum til Kaupmannahafnar þriðjudagsmorguninn 3. maí.
Þaðan tókum við rútu til Holsterbro þar sem mótið var haldið. Við gistum ásamt flestum þátttakendum í Sct Jörgens Skole en eldri þátttakendur gistu í öðrum skóla. 500 börn og unglingar sungu saman á hverjum morgni til að æfa sameiginlega verkið sem heitir Du vilde himmel! Það er kórverk sem samið var sérstaklega fyrir kóramótið og fjallar um Páskahátíðina. Það eru 7 kaflar í verkinu og söng hver smiðja 1 kafla sér en allir sungu 7. kaflann saman. 5 dönsk tónskáld sömdu þetta kórverk.
Eftir samsöng tóku við söngsmiðjur það sem eftir var af deginum. Okkar smiðja hét Norræn sumarstemning þar sem sungin voru létt lög samin af norrænum tónskáldum. Kórstjórinn sem stýrði okkar smiðju heitir Jakob Laurentzen. Hann samdi þann kafla sem okkar smiðja söng, 3.kafla, auk þess samdi hann lokakaflann og stýrði því öllum sameiginlegu kóræfingunum. Jakob var mjög hress og skemmtilegur. Hann hrósaði okkur mikið fyrir það hvað kórinn var vel undirbúinn. Hóffý hafði nefnilega aðstoðað okkur á kóræfingum því okkar kafli var með þeim erfiðustu og þurftum við stundum að syngja í 5 röddum!
Við kynntumst fullt af krökkum, foreldrum og kórstjórum frá ólíkum löndum. Sumar af stelpunum voru farnar að tala smá dönsku og skildum við alltaf meira og meira á hverjum degi. En, við töluðum þó aðallega ensku.
Lokatónleikarnir voru á laugardagskvöldinu 7.maí í risastóru tónlistarhúsi sem heitir Musikteatret. Þar sungum við með okkar hóp 3 lög. Í lokin sungum við svo Du vilde himmel! Fyrr um daginn höfðum við sungið 2 lög í verslunarmiðstöð þannig að þessi dagur var mjög svo langur og það í 25°C!
Á hverju kvöldi voru ýmist tónleikar, kvöldvaka eða diskó fyrir krakkana.
Þrátt fyrir að syngja mjög mikið alla daga þá fengum við að kíkja aðeins í búðir, fórum í sund, gönguferðir, út að borða og svo lokanóttina gistum við á mjög fínu gistiheimili. Það var gott veður og mjög heitt alla vikuna sem við dvöldum í Holsterbro. Flogið var heim frá Billund og það var fínt að þurfa ekki að keyra aftur alla leið til Kaupmannahafnar. Við komum heim þreyttar en alsælar eftir vel heppnað kórferðalag og erum þegar farnar að hugsa til Norbusang að ári sem haldið verður í Bergen.
Að lokum viljum við Stúlknakór Húsavíkur þakka öllum þeim sem styrktu okkur í vetur. Án ykkar hefði þessi ferð aldrei orðið að veruleika. Þakkir fá einnig mömmurnar sem voru fararstjórar í ferðinni, Kolbrún Ada, Erla Kristín og Berglind Dagný.
-Ásta Magnúsdóttir, kórstjóri Stúlknakórs Húsavíkur.
- Skarpur, 19. maí
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
