Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum.
Dagur Benediktsson kom að máli við mig árið 2018 og óskaði eftir samtali. Ég kannaðist lítillega við drenginn þar sem hann er Ísfirðingur en þangað á ég mikil tengsl. Við settumst niður og Dagur falaðist eftir styrk frá fyrirtæki okkar í Englandi Seagold Ltd., til þess að verða frambærilegur keppnismaður á gönguskíðum. Hann kynnti fyrir mér ákveðnar hugmyndir um það hvað hann þyrfti að gera til að ná því markmiði. Í stuttu máli ætlaði hann að helga sig skíðagöngunni næstu árin.
Dagur við rásmarkið tilbúinn til keppni
Ákveðinn og metnaðarfullur
Dagur lagði fyrir mig langtíma áætlun sem ég verð að viðurkenna að mér fannst djörf en hún sýndi hve ákveðinn hann var og metnaðarfullur. Við hjá Seagold ákváðum að ganga til liðs við Dag með því að styðja hann og óskaði ég eftir því að hann sendi mér reglulega æfingaáætlanir, upplýsingar um gengi í mótum og fl.
Síðastliðin 5 ár hefur Dagur gert þetta af mikilli samviskusemi og skýrt okkur hjá Seagold ítarlega frá því hvernig honum hefur gengið að ná settu marki. Það má því segja að við höfum fengið að taka þátt í að sjá skíðagarpinn Dag þroskast og dafna.
Íslandsmótið í skíðagöngu var haldið í ár á Ísafirði þar sem Dagur var mættur enn eina ferðina og hann gerði sér lítið fyrir og varð í fyrsta sæti í öllum greinum og þar með fimmfaldur Íslandsmeistari!
Það er afar gefandi að vera í þeirri stöðu að geta hjálpað ungu fólki við að ná sínum markmiðum.
Í íþróttum gildir það sama og í sjávarútveginum:
Árangur næst ekki nema með því að leggja hart að sér, hafa skýr markmið og þrautseigju til þess að fylgja þeim eftir. Seagold er í liði með fimmföldum Íslandsmeistara !
Daníel fyrstur sem endranær
Hafðu kærar þakkir fyrir frábært og gefandi samstarf, Dagur Benediktsson.
Framtíðin er þín.
Gústaf Baldvinsson.
- Seagold Ltd. er sölufélag Samherja í Bretlandi sem var stofnað 1996 og hefur Gústaf Baldvinsson verið framkvæmdastjóri þess frá upphafi.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
