20. nóvember - 27. nóvember - Tbl 47
Hvers vegna gera æfingar þig að betri manni ?
Í dag vitum við betur hvers vegna æfingar virka bæði til forvarna og viðgerðar vefja líkamans. Æfingum hefur verið lýst sem „mekano therapy“, þ.e eðli togs og spennu við æfingar, örvar og bætir frumustarfsemi þ.a við notkun vöðva, örvast allt sem þeim tengist. Eru það æðar í vöðvanum, sinar er tengja vöðva til beina, togið á beinin. Sinar þurfta tog og spennu og hafa skal í huga að sinaverkur er sjaldan bólgur, heldur hrörnun vegna einhæfs og rangs álags. Gildir það einu hvort sem um er að ræða sinar í öxl, tennisolnboga, hásin eða hnéskeljarsin. Það sem hefur gefist best að laga þessi vandamál er blanda af liðleikaþjálfun/teygjum, djúp og þvernuddi og umfram allt æfingar með áherslu á bremsuþátt æfingar sem bætir sinavefinn. Vöðvar þurfa blóðrás til að dafna og er „vöðvabólga“ í raun, heldur ekki bólga. Þó að þú sért með verki frá vöðvum, þá eru ekki er til staðar þær frumur og þau efnaskipti er einkenna bólgur. Hinn sári vöðvi er yfirleitt með aukna spennu, og hrörnun á þann hátt að vöðvafrumum hefur fækkað miðað við annan bandvef og hvatberum, sem nýta súrefni til orkumyndunar hefur fækkað vegna langvarandi rangálags. Stundum er vöðvinn stuttur og er þá vöðvi með gagnstæða virkni, þá of veikur. Er hreyfimunstur þá oft þannig að hinn sári vöðvi spennist meira, og fyrr en eðlilegt er við athafnir. Myndast þannig vítahringur þar sem spenna, verkir og sífellt minnkað úthald vöðva ræður ríkjum. Þó að nudd létti á spennu, þá þarf oft líka að lengja vöðvann og að auka úthald í honum, auk þess að bæta samvinnu við andstæðan vöðva til að koma á jafnvægi. Hver er lausnin ? Jú, réttar æfingar til að koma á jafnvægi í hreyfistjórn, styrk og liðleika. Æfingar geta bæði aukið blóðrás, aukið æða og vöðvamyndun, hreinsað úrgangsefni úr vöðvum, jafnað spennu og lengt vöðva. Aukið þol vöðva þýðir að allar athafnir krefjast lægra hlutfalls af heildargetu vöðvans og verður þreyta þá minni. Æðar eru eins og vöðvi þ.e þær þurfa að fá að þenjast út og slaka á reglulega til að æðaþekjan njóti sín og varni þannig að þrengingar og kölkun myndist. Heilinn er ekki undanskilinn að þurfa þjálfun, en æfingar auka blóðrás og efnaskipti í heilanum og er nú staðfest að gott líkamsástand er viss vörn gegn t.d Alzheimer sjúkdómi. Og má í raun segja almennt að aukið súrefnisflæði, sé lykill að góðri heilsu enda virðist þjálfun einnig draga úr vissum tegundum krabbameina. Þegar hraustir geimfarar fara út í geiminn þá koma þeir til baka með minnkaða beinþéttni eins og gamlar konur vegna langvarandi þyngdarleysis. Því að þungaburður og æfingar styrkja bein og varna þannig brotum. Tékkneski taugalífeðlisfræðingurinn Pavel Kolar heldur því fram, að hátt í þriðjungur barna nái ekki fullum hreyfiþroska, þar sem nútímalíf feli ekki í sér næga örvun fyrir börn. Samhæfing og jafnvægi batna með þjálfun og bæta bæði börn og aldraðir styrk sinn vegna bættrar taugastarfsemi. Eru æfingar á öðrum fæti og sterkir fóta og rassvöðvar lykill að því að varna dettni, en það dregur hratt úr líkamlegri getu að lenda í því að þurfa að liggja um lengri tíma.
Þannig að ef þú vilt vera formi alla ævi prófaðu þá að bæta æfingum á öðrum fæti við þína hreyfingu.
Hugmyndir að æfingum á öðrum fæti má finna undir liðnum „æfingasafn-fætur“ á vefsíðunni : www.eflingehf.is
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
