Völsungar stefna á bikarævintýri
„Það er bikarævintýri í uppsiglingu,“ segir Græni herinn, stuðningsmannaklúbbur Völsungs. Völsungar báru sigurorð af Tindastóli á Sauðárkróki sl. föstudag í Mjólkurbikarnum. Lokatölur urðu 0-2 með mörkum frá Aðalsteini Jóhanni Friðrikssyni og nýliðanum Santiago Feuillassier. Santiago staðfesti félagaskipti sín til Völsungs á síðasta degi vetrar.
Santiago er argentískur að uppruna og verður 27 ára nú í lok apríl. „Snaggaralegur og klókur framsækinn leikmaður sem við bindum miklar vonir við í sumar,“ segir í tilkynningu frá Völsungi um félagaskiptin. Hann hefur undanfarin ár spilað á Ítalíu, Panama og Sviss.
Jóhann Kristinn Gunnarsson, þjálfari karlaliðs Völsungs sagði að Santiago væri mikill liðsstyrkur fyrir þá grænu frá Húsavík og að hann hafi komið í fanta formi. „Það er ekki síður mikilvægt að allir reynslumestu leikmenn liðsins hafa endurnýjað samninga sína,“ sagði hann en blaðamaður Vikublaðsins hitti á Jóhann eftir æfingu á mánudagskvöld.
Jóhann sagði að það hafi verið mikilvægt að fá góða byrjun á tímabilinu með sigri í bikarnum gegn Tindastóli. Hamrarnir koma svo í heimsókn til Húsavíkur í annarri umferð Mjólkurbikarsins á laugardag. Jóhann segir að ekkert annað en sigur komi til greina í þeim leik. „Við erum hungraðir eftir því að komast í 32 liða úrslitin þar sem öll lið verða í pottinum."
Völsungur hefur keppni í 2. deild karla með útileik gegn Fjarðabyggð á morgun laugardag. Jóhann segir að hópurinn sé að verða vel undirbúinn fyrir deildarkeppnina og sé í furðu góðu formi. „Strákarnir eru bara að koma ótrúlega vel undan vetri, þrátt fyrir að aðstæður hafi verið svona eins og þær hafa verið,“ segir Jóhann og vísar þar til Covid-19 faraldursins. Völsungar eru farnir að nýta sér tæknina við hlaupaæfingar. Leikmenn erum með gps mælingar í símum sínum þar sem hægt er að fylgjast með vegalengdum og bætingum.
Jóhann hvetur að lokum stuðningsmenn að fjölmenna á völlinn á laugardag eins og reglur leyfa en heimilt er að vera með 100 áhorfendur; þar af 50 fullorðna.
Nýjast
-
Líftækninemar leita að lausnum
Líftækninemar á þriðja ári rannsaka nú fjögur áhugaverð viðfangsefni í námskeiðinu Hagnýtt verkefni. Námskeiðinu er annars vegar ætlað að undirbúa nemendur fyrir lokaverkefni vormisseris og hins vegar að þjálfa þá í að skrifa verkáætlanir, styrkumsóknir og afla forgagna. Stúdentar vinna fjórir í hóp og fá viðfangsefni sem þeir útfæra síðan í formi rannsóknarverkefnis og styrkumsóknar í ímyndaðan verkefnasjóð. -
Myndlistarsýning í nýju og endurbættu útibúi
Fimmtudaginn 5. desember opnar Sparisjóður Suður-Þingeyinga formlega nýtt og endurbætt útibú á Garðarsbraut 26, Húsavík þar sem sjóðurinn deilir nú húsnæði með Sjóvá. -
Norlandair sér um Húsavíkurflugið
Vegagerðin hefur fyrir hönd ríkisins samið annars vegar við flugfélagið Norlandair um flug til Húsavíkur og hins vegar við Mýflug um flug til Vestmannaeyja. Vegagerðin hefur fyrir hönd ríkisins samið við flugfélagið Norlandair um að fljúga fjórar flugferðir í viku milli Húsavíkur og Reykjavíkur á tímabilinu 16. desember 2024 til 15. mars 2025. -
Viltu höggva þitt eigið jólatré?
Ef þú ert þeirrar gerðar að það höfðar til þín að velja og höggva jólatréð sem svo seinna í stofunni þinni stendur og stjörnurnar glampa á, þá er tækifærið að renna upp! -
Vettvangsteymið mætir skjólstæðingum á þeirra forsendum
Vettvangsteymi er úrræði innan Akureyrarbæjar sem styður einstaklinga með geðfötlun og viðvarandi vímuefnavanda. Teymið veitir þjónustu alla daga ársins og aðstoðar við verkefni sem snúa að athöfnum daglegs lífs, svo sem innkaupum, erindrekstri, áminningum um lyfjatöku og öðru sem þarf hverju sinni. -
Deildarforsetinn og doktorsneminn sem spilar kleppara af kappi
Vísindafólkið okkar er mánaðarleg kynning á vísindafólkinu okkar. Sólrún Óladóttir, lektor og deildarforseti við Iðjuþjálfunarfræðideild er vísindamanneskjan að þessu sinni -
Úthlutun úr Menningar- og viðurkenningasjóði KEA
KEA afhenti styrki úr Menningar- og viðurkenningasjóði félagsins þann 2. desember og fór styrkúthlutunin fram í Menningarhúsinu Hofi á Akureyri. Var þetta í 91. skipti sem veitt er úr sjóðnum sem rekur starfsemi sína allt aftur til ársins 1936. Úthlutað var tæplega 28 milljónum króna til 63 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna. -
Bæjarráð Akureyrar vill að nýtt hjúkrunarheimili verði tekið í notkun á Akureyri eins fljótt og auðið er
Bæjarráð Akureyrar telur algjört forgangsmál að nýtt hjúkrunarheimili verði tekið í notkun á Akureyri eins fljótt og auðið er, enda sár þörf fyrir fleiri hjúkrunarheimili í sveitarfélaginu. Bæjarráð ræddi á dögunum um nýbyggingu hjúkrunarheimilis á Akureyri. -
Vertu Perfect eftir Pétur Guðjónsson verður sýning Leikfélags VMA í vetur Hlusta
Leikfélag VMA setur í vetur upp leikritið Vertu Perfect eftir Pétur Guðjónsson í leikstjórn höfundar. Þetta verður heimsfrumsýning á verkinu en til stóð að setja það upp af Nemendafélagi Fjölbrautaskóla Norðurlands vestra á Sauðárkróki árið 2021 og var æfingaferli langt komið, í leikstjórn Péturs. En vegna Covid-faraldursins varð ekkert af því.
