4.desember - 11. desember - Tbl 49
Sterkasta kona Íslands krýnd á Akureyri
Ellen Lind Ísaksdóttir vann titilinn Sterkasta kona Íslands þriðja árið í röð. Ragnheiður Ósk Jónasdóttir hafnaði í 2. sæti og Lilja B. Jónsdóttir í 3. sæti. Ljósmynd/aðsend
Keppnin um titilinn sterkasta kona Íslands fór fram á Akureyri um helgina. Ingibjörg Óladóttir og Sigfús Fossdal voru stóðu fyrir keppninni í ár. Sigfús var einnig mótstjóri, þulur og kynnir og Ingibjörg sá um dómgæslu.
Ellen Lind Ísaksdóttir gerði sér lítið fyrir og vann titilinn Sterkasta kona Íslands þriðja árið í röð, en það er í fyrsta skipti sem keppandi vinnur svo mörg ár samfellt. Aðeins Bryndís Óladóttir hefur unnið fleiri titla. „Ellen þurfti þó að hafa talsvert fyrir titlinum aftur, en Ragnheiður Ósk Jónasdóttir sem vann árið 2018 og hefur tekið annað sæti á eftir Ellen þessi þrjú ár, vann fyrstu fjórar greinarnar af þeim sex sem keppt var í. Það er því óhætt að segja að keppnin hafi verið spennandi. Í réttstöðulyftunni sem var fyrsta grein, setti Ragnheiður Íslandsmet í réttstöðulyftu með öxul, þar sem hún lyfti 200 kg,“ segir Sigfús mótshaldari.
Í undir 82 kg flokki vann Lilja B. Jóndóttir enn einn titilinn, en hún hefur samtals unnið léttari flokkinn sex sinnum, en Lilja varð einnig þriðja í opna flokknum. „Lilja hefur verið lengst að þeirra keppenda sem eru að keppa í dag og hefur bara orðið betri með árunum,“ segir Sigfús.
Í öðru sæti varð Veiga Dís Hansdóttir, sem er jöfnun á árangri hennar frá því í fyrra, og þriðja sætið tók Lillý Ösp Sigurjónsdóttir á sínu öðru móti. Lilja var í hálfgerðum sérflokki í léttari flokknum í ár, en keppnin um annað til fjórða sæti varð virkilega hörð og réðst ekki fyrr en seinasta grein var búin.
„Alls 10 keppendur mættu til leiks í ár, allt frá byrjendum upp í fyrrum sigurvegara. Mótið hefur verið að stækka og dafna, og er þetta annað árið sem mótið verður sýnt í sjónvarpi. Fleiri keppnir fyrir konur yfir árið hefur einnig haft jákvæð áhrif á uppbygginguna,“ segir Sigfús.
Nýjast
-
Líftækninemar leita að lausnum
Líftækninemar á þriðja ári rannsaka nú fjögur áhugaverð viðfangsefni í námskeiðinu Hagnýtt verkefni. Námskeiðinu er annars vegar ætlað að undirbúa nemendur fyrir lokaverkefni vormisseris og hins vegar að þjálfa þá í að skrifa verkáætlanir, styrkumsóknir og afla forgagna. Stúdentar vinna fjórir í hóp og fá viðfangsefni sem þeir útfæra síðan í formi rannsóknarverkefnis og styrkumsóknar í ímyndaðan verkefnasjóð. -
Myndlistarsýning í nýju og endurbættu útibúi
Fimmtudaginn 5. desember opnar Sparisjóður Suður-Þingeyinga formlega nýtt og endurbætt útibú á Garðarsbraut 26, Húsavík þar sem sjóðurinn deilir nú húsnæði með Sjóvá. -
Norlandair sér um Húsavíkurflugið
Vegagerðin hefur fyrir hönd ríkisins samið annars vegar við flugfélagið Norlandair um flug til Húsavíkur og hins vegar við Mýflug um flug til Vestmannaeyja. Vegagerðin hefur fyrir hönd ríkisins samið við flugfélagið Norlandair um að fljúga fjórar flugferðir í viku milli Húsavíkur og Reykjavíkur á tímabilinu 16. desember 2024 til 15. mars 2025. -
Viltu höggva þitt eigið jólatré?
Ef þú ert þeirrar gerðar að það höfðar til þín að velja og höggva jólatréð sem svo seinna í stofunni þinni stendur og stjörnurnar glampa á, þá er tækifærið að renna upp! -
Vettvangsteymið mætir skjólstæðingum á þeirra forsendum
Vettvangsteymi er úrræði innan Akureyrarbæjar sem styður einstaklinga með geðfötlun og viðvarandi vímuefnavanda. Teymið veitir þjónustu alla daga ársins og aðstoðar við verkefni sem snúa að athöfnum daglegs lífs, svo sem innkaupum, erindrekstri, áminningum um lyfjatöku og öðru sem þarf hverju sinni. -
Deildarforsetinn og doktorsneminn sem spilar kleppara af kappi
Vísindafólkið okkar er mánaðarleg kynning á vísindafólkinu okkar. Sólrún Óladóttir, lektor og deildarforseti við Iðjuþjálfunarfræðideild er vísindamanneskjan að þessu sinni -
Úthlutun úr Menningar- og viðurkenningasjóði KEA
KEA afhenti styrki úr Menningar- og viðurkenningasjóði félagsins þann 2. desember og fór styrkúthlutunin fram í Menningarhúsinu Hofi á Akureyri. Var þetta í 91. skipti sem veitt er úr sjóðnum sem rekur starfsemi sína allt aftur til ársins 1936. Úthlutað var tæplega 28 milljónum króna til 63 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna. -
Bæjarráð Akureyrar vill að nýtt hjúkrunarheimili verði tekið í notkun á Akureyri eins fljótt og auðið er
Bæjarráð Akureyrar telur algjört forgangsmál að nýtt hjúkrunarheimili verði tekið í notkun á Akureyri eins fljótt og auðið er, enda sár þörf fyrir fleiri hjúkrunarheimili í sveitarfélaginu. Bæjarráð ræddi á dögunum um nýbyggingu hjúkrunarheimilis á Akureyri. -
Vertu Perfect eftir Pétur Guðjónsson verður sýning Leikfélags VMA í vetur Hlusta
Leikfélag VMA setur í vetur upp leikritið Vertu Perfect eftir Pétur Guðjónsson í leikstjórn höfundar. Þetta verður heimsfrumsýning á verkinu en til stóð að setja það upp af Nemendafélagi Fjölbrautaskóla Norðurlands vestra á Sauðárkróki árið 2021 og var æfingaferli langt komið, í leikstjórn Péturs. En vegna Covid-faraldursins varð ekkert af því.
