Aldís Kara er íþróttakona Akureyrar þriðja árið í röð
Knattspyrnumaðurinn Brynjar Ingi Bjarnason úr KA er íþróttakarl Akureyrar árið 2021 og skautakonan Aldís Kara Bergsdóttir úr SA er íþróttakona Akureyrar 2021. Í öðru sæti voru þau Jóhann Gunnar Finnsson fimleikamaður úr FIMAK og Rut Arnfjörð Jónsdóttir handboltakona úr KA/Þór. Í þriðja sæti voru Baldvin Þór Magnússon frjálsíþróttamaður úr UFA og Arna Sif Ásgrímsdóttir knattspyrnukona úr Þór/KA. Greint er frá þessu á vef Akureyrarbæjar.
Aldís Kara ásamt foreldrum Brynjars Inga sem tóku við verðlaunum fyrir hans hönd í gær.
Kjöri íþróttamanns Akureyrar 2021 var lýst á verðlaunahófi á vegum Íþróttabandalags Akureyrar og fræðslu- og lýðheilsuráðs Akureyrarbæjar sem fram fór í Menningarhúsinu Hofi í gær, 3.febrúar. 12 aðildarfélög ÍBA tilnefndu alls 32 íþróttamenn úr sínum röðum, 15 íþróttakonur og 17 íþróttakarla. Úr þeim tilnefningum var svo kosið á milli 10 karla og 10 kvenna sem stjórn Afrekssjóðs hafði stillt upp.
Á athöfninni veitti frístundaráð Akureyrarbæjar viðurkenningar til 10 aðildarfélaga ÍBA vegna 310 Íslandsmeistara á síðasta ári og Afrekssjóður veitti 10 afreksefnum styrki. Samtals hlutu 20 einstaklingar afreksstyrki fyrir samtals rúmar 5 milljónir á athöfninni í gær.
Aldís Kara er íþróttakona Akureyrar þriðja árið í röð. Aldís Kara, sem var valin skautakona ársins 2021 hjá Skautasambandi Íslands og íþróttakona Skautafélags Akureyrar setti Íslandsmet í janúar 2021 þegar hún hlaut 123.44 stig á RIG21. Í haust keppti Aldís á tveimur ISU Challenger Series mótum. Með góðum árangri á þessum mótum vann Aldís Kara sér inn keppnisrétt á Evrópumeistaramóti í listskautum, fyrst íslenskra skautara. Á Evrópumeistaramótinu, sem fór fram í Eistlandi í janúar 2022 hafnaði Aldís Kara í 34. sæti. Aldís Kara lauk árinu 2021 með því að slá eigið Íslandsmet á Íslandsmeistaramótinu sem haldið var í nóvember. Þar hlaut hún 136.14 stig sem er jafnframt hæstu stig sem gefin hafa verið í Senior flokki á Íslandi.
Brynjar Ingi er íþróttakarl Akureyrar í fyrsta skipti. Brynjar Ingi er uppalinn knattspyrnumaður úr KA og var valinn, annað árið í röð, Íþróttakarl KA í byrjun árs. Brynjar Ingi spilaði 11 leiki fyrir KA sem hafnaði í 4. sæti í efstu deild karla 2021. Frammistaða Brynjars Inga vakti mikla athygli og í júlí var Brynjar Ingi keyptur til Lecce í ítölsku B-deildinni. Með framgöngu sinni vann Brynjar Ingi sér inn fast sæti í A-landsliði karla á árinu, þar sem hann spilaði 10 A-landsleiki á árinu 2021 og skoraði tvö mörk. Í lok árs 2021 færði Brynjar Ingi sig um set, frá Ítalíu til norska úrvalsdeildarliðsins Vålerenga.
Brynjar Ingi er íþróttakarl Akureyrar í fyrsta sinn. Mynd/akureyri.is
Á athöfninni var afhent heiðursviðurkenning fræðslu- og lýðheilsuráðs Akureyrarbæjar fyrir vel unnin störf í þágu íþrótta á Akureyri. Rúnar Þór Björnsson hlaut heiðursviðurkenningu í ár fyrir áratuga starf í þágu íþrótta innan Siglingaklúbbsins Nökkva og bogfimideildar Akurs.
Þetta er í 43. sinn sem íþróttamaður Akureyrar er kjörinn en það var fyrst gert árið 1979. Alls hafa 26 einstaklingar hlotið þetta sæmdarheiti, oftast allra júdókappinn Vernharð Þorleifsson, sjö sinnum alls.
Nýjast
-
Líftækninemar leita að lausnum
Líftækninemar á þriðja ári rannsaka nú fjögur áhugaverð viðfangsefni í námskeiðinu Hagnýtt verkefni. Námskeiðinu er annars vegar ætlað að undirbúa nemendur fyrir lokaverkefni vormisseris og hins vegar að þjálfa þá í að skrifa verkáætlanir, styrkumsóknir og afla forgagna. Stúdentar vinna fjórir í hóp og fá viðfangsefni sem þeir útfæra síðan í formi rannsóknarverkefnis og styrkumsóknar í ímyndaðan verkefnasjóð. -
Myndlistarsýning í nýju og endurbættu útibúi
Fimmtudaginn 5. desember opnar Sparisjóður Suður-Þingeyinga formlega nýtt og endurbætt útibú á Garðarsbraut 26, Húsavík þar sem sjóðurinn deilir nú húsnæði með Sjóvá. -
Norlandair sér um Húsavíkurflugið
Vegagerðin hefur fyrir hönd ríkisins samið annars vegar við flugfélagið Norlandair um flug til Húsavíkur og hins vegar við Mýflug um flug til Vestmannaeyja. Vegagerðin hefur fyrir hönd ríkisins samið við flugfélagið Norlandair um að fljúga fjórar flugferðir í viku milli Húsavíkur og Reykjavíkur á tímabilinu 16. desember 2024 til 15. mars 2025. -
Viltu höggva þitt eigið jólatré?
Ef þú ert þeirrar gerðar að það höfðar til þín að velja og höggva jólatréð sem svo seinna í stofunni þinni stendur og stjörnurnar glampa á, þá er tækifærið að renna upp! -
Vettvangsteymið mætir skjólstæðingum á þeirra forsendum
Vettvangsteymi er úrræði innan Akureyrarbæjar sem styður einstaklinga með geðfötlun og viðvarandi vímuefnavanda. Teymið veitir þjónustu alla daga ársins og aðstoðar við verkefni sem snúa að athöfnum daglegs lífs, svo sem innkaupum, erindrekstri, áminningum um lyfjatöku og öðru sem þarf hverju sinni. -
Deildarforsetinn og doktorsneminn sem spilar kleppara af kappi
Vísindafólkið okkar er mánaðarleg kynning á vísindafólkinu okkar. Sólrún Óladóttir, lektor og deildarforseti við Iðjuþjálfunarfræðideild er vísindamanneskjan að þessu sinni -
Úthlutun úr Menningar- og viðurkenningasjóði KEA
KEA afhenti styrki úr Menningar- og viðurkenningasjóði félagsins þann 2. desember og fór styrkúthlutunin fram í Menningarhúsinu Hofi á Akureyri. Var þetta í 91. skipti sem veitt er úr sjóðnum sem rekur starfsemi sína allt aftur til ársins 1936. Úthlutað var tæplega 28 milljónum króna til 63 aðila. Styrkúthlutun tók til þriggja flokka samkvæmt reglugerð sjóðsins: Menningar- og samfélagsverkefna, Íþrótta- og æskulýðsfélaga og Ungra afreksmanna. -
Bæjarráð Akureyrar vill að nýtt hjúkrunarheimili verði tekið í notkun á Akureyri eins fljótt og auðið er
Bæjarráð Akureyrar telur algjört forgangsmál að nýtt hjúkrunarheimili verði tekið í notkun á Akureyri eins fljótt og auðið er, enda sár þörf fyrir fleiri hjúkrunarheimili í sveitarfélaginu. Bæjarráð ræddi á dögunum um nýbyggingu hjúkrunarheimilis á Akureyri. -
Vertu Perfect eftir Pétur Guðjónsson verður sýning Leikfélags VMA í vetur Hlusta
Leikfélag VMA setur í vetur upp leikritið Vertu Perfect eftir Pétur Guðjónsson í leikstjórn höfundar. Þetta verður heimsfrumsýning á verkinu en til stóð að setja það upp af Nemendafélagi Fjölbrautaskóla Norðurlands vestra á Sauðárkróki árið 2021 og var æfingaferli langt komið, í leikstjórn Péturs. En vegna Covid-faraldursins varð ekkert af því.
