13.nóvember - 20.nóvember - Tbl 46
Vinnuhópur um uppbyggingu á KA-svæðinu
KA-svæðið.
Akureyrarbær hefur skipað vinnuhóp til að hefja formlegar viðræður um uppbyggingu á KA-svæðinu. Ingvar Már Gíslason, formaður KA, tilkynnti þetta á aðalfundi félagsins sem haldin var nýverið.
Fyrir hönd KA í vinnuhópnum verða Ingvar Már Gíslason formaður félagsins, varaformaðurinn Eiríkur Jóhannsson og Sævar Pétursson framkvæmdastjóri félagsins. Hjá Akureyrarbæ eru í hópnum þau Guðmundur Baldvin Guðmundsson formaður bæjarráðs, Halla Björk Reynisdóttir forseti bæjarstjórnar, Hlynur Jóhannsson bæjarfulltrúi og Arnar Þór Jóhannesson nefndarmaður í frístundaráði.
Skrefið sem var beðið eftir
Félagsmenn KA hafa lengi haft væntingar um að hreyfing fari að komast á uppbyggingarmál á félagssvæði þess við Dalsbraut og sl. vetur gagnrýndi Ingvar Már bæjaryfirvöld nokkuð harðlega fyrir aðgerðarleysi.
„Þetta er skrefið sem við höfum viljað taka undanfarin ár; að fá samtalið um uppbyggingu á svæðinu. Því er þetta mjög ánægjulegt,“ segir Ingvar Már í samtali við Vikudag. „Það hefur legið fyrir vilji hjá KA í nokkuð langan tíma að við viljum vera með okkar starfsemi á okkar félagssvæði. Það er í takt við íþróttastefnuna,“ segir Ingvar. Í framtíðarsýn KA er gervigrasvöllur, stúka og bætt félagsaðstaða á KA-svæðinu helstu verkefnin. KA hefur stækkað á undanförnum árum og iðkendum fjölgað og er núverandi aðstaða of lítil fyrir daglega starfsemi félagsins.
Aðstaðan ábótavant á Akureyrarvelli
KA hefur spilað meistaraflokksleiki sína í knattspyrnu á Akureyrarvelli í mörg ár og er með samning við Akureyrarbæ til ársins 2024. „Það liggur fyrir að Akureyrarvöllur er í slæmu ástandi, bæði völlurinn sjálfur og mannvirkin. Við myndum vilja komast þaðan sem fyrst og láta það vera að fara í kostnaðarsamar endurbætur á svæðinu sem aðeins yrði nýtt tímabundið.
Þar að auki nýtist Akureyrarvöllur mjög takmarkað. Við teljum nærtækar að horfa til langtímalausna sem nýtist mun fleiri iðkendum félagsins, þá ekki síst börnum og ungmennum, sem hefur fjölgað verulega eftir uppbyggingu í Nausta- og Hagahverfi. Hins vegar virðum auðvitað þann samning sem er í gildi sé þess óskað,“ segir Ingvar Már.
Nýjast
-
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins.
