20. nóvember - 27. nóvember - Tbl 47
Þrjár lóðir við Dalsbraut fyrir uppbyggingu stúdentagarða
Yfirlitsmynd af áætluðum byggingum stúdentaíbúða við Dalsbraut á Akureyri. Þær verða þrjár talsins með einstaklingsherbergjum, stúdíó- eða 2ja herbergja íbúðum. Mynd frá FÉSTA
Á svæði meðfram Dalsbraut á Akureyri hafa verið afmarkaðar þrjár lóðir fyrir uppbyggingu stúdentagarða. Alls er um að ræða 7.600 fermetra og verða í húsunum einstaklingsherbergi, stúdíó – og tveggja herbergja íbúðir.
„Við erum komin með þetta verkefni í farveg, höfum fengið samþykkta tillögu að breytingu á skipulagi við Dalsbraut hjá Skipulagsráði, en að öðru leyti á verkefnið eftir að fara í það ferli sem lögbundið er,“ segir Jóhannes Baldur Guðmundsson framkvæmdastjóri Félagsstofnunar stúdenta á Akureyri.
Hann segir að stefnt sé að því að reisa þrjár byggingar á svæðinu. Sú fyrsta væri með einstaklingsherbergjum, hvert með sér baðherbergi og þar væru að auki sameiginleg eldhús og stofur. Seinni tvær byggingarnar væru með stúdíó og 2ja herbergja íbúðum.
Erlendum skiptinemum fjölgar
Jóhannes segir að ekki sé búið að teikna húsin né heldur negla niður skipulag þeirra, „en eins og áætlanir okkar líta núna út væru í þessum þrem húsum um 54 einstaklingsherbergi, 20 stúdíóíbúðir og 40 2ja herbergja íbúðir,“ segir hann. Eftirspurn eftir minna húsnæði hafi verið að aukast all verulega á síðustu árum hjá FÉSTA, bæði vegna fjölgun erlendra skiptinema og breytingu á eftirspurn frá íslenskum nemendum. „Við erum þessa dagana að vinna í ýmsum málum tengdum þessum áætlunum okkar, og ómögulegt að segja til um hvernær framkvæmdir hefjast.“
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
