13.nóvember - 20.nóvember - Tbl 46
Hjartað í miðbænum vígt
Bæjarbúar fjölmenntu á vígsluhátíðina. Fólk sem fer í gegnum bæinn er hvatt til þess að taka mynd af sér við hjartað og nota myllumerkið #loveakureyri. Ljósmyndir: Þórhallur Jónsson/Pedromyndir.
Vígsluhátíð á Hjartanu í miðbæ Akureyrar fór fram sl. helgi þar sem veglegt hjarta var formlega afhúpað. Hönnun á verkinu er Úlfar Gunnarsson en Arnar Friðriksson smíðaði gripinn.
Þórhallur Jónsson, formaður miðbæjarsamtakanna á Akureyri, kynnti Hjartað til leiks á hátíðinni að viðstöddum fjölda bæjarbúa. Þórhallur segir hugmyndin af hjartanu á Akureyri ekki vera nýja af nálinni.
„Akureyringar sýndu mikla samkend í hruninu 2008 og var hjartað víða notað sem sameiningartákn bæjarbúa. Margrét Blöndal vinkona mín kom svo hjartanu í stöðvunarljósin í umferðaljósunum eina verslunarmannahelgina fyrir um 11-12 árum síðan eins og þekkt er orðið og er það orðið eitt mest myndaða kennileiti bæjarinns, nema þá ef gæti verið að Akureyrarkirkja væri meira mynduð enda stórglæsilegt meistaraverk Guðjóns Samúelssonar,“ sagði Þórhallur við athöfninni.
Hann ásamt Úlfari Gunnarssyni kaupmanni í Centro hafa lengi gengið með þá hugmynd í kollinum að gera enn meira úr Hjartanu. „Nú er svo komið að loks var hægt að láta verða af þessu í góðri samvinnu við Akureyrarbæ og með rausnarlegum styrk úr sóknaráætlun SSNE. Það er von okkar að þetta hjarta eigi eftir að vekja mikla athygli og að engin fari hér í gegnum bæinn okkar án þess að koma við og taka mynd af sér við hjartað. Einnig vonum við að hasstaggið okkar #loveakureyri eigi eftir að auglýsa Akureyri um allan heim og vekja enn meiri athygli á okkar fallega bæ,“ sagði Þórhallur og bætti við að þetta verk væri upphafið af ýmsu skemmtilegu sem koma skal í miðbænum á Akureyri í sumar.
Nýjast
-
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins.
