Grunur um myglu í Amaro-húsinu
Efla verkfræðistofa hefur framkvæmt ástandsskoðun á Heilsugæslunni á Akureyri sem er til húsa í Hafnarstræti 99 á Akureyri, eða Amarohúsinu eins og það er kallað. Skimað var eftir raka, aflað var efnissýna og framkvæmdar loftgæðamælingar meðal annarra þátta samkvæmt upplýsingum frá EFLU.
Heilsugæslustöð HSN er staðsett á 6. hæð í húsinu og einskorðast ástandsskoðunin við rými heilsugæslunnar. Jón Helgi Björnsson, forstjóri HSN staðfestir í samtali við Vikublaðið að mælingin hafi farið fram vegna gruns um myglu. „Við vorum að láta mæla þetta og erum að bíða eftir niðurstöðum,“ segir hann.
Þá segir Jón Helgi að ákveðið hafi verið að kanna ástand á húsnæði heilsugæslunnar nánar eftir ábendingar og kvartanir starfsfólks um léleg vistgæði.
„Já, menn hafa verið að kvarta yfir vondum loftgæðum og lykt. Það er búið að vera mikið um misjöfn veður í vetur, bæði kalt og hlýtt. Þannig að það hafa verið lekar sem því fylgja. Við vorum að bregðast við kvörtunum yfir vistgæðunum þarna,“ útskýrir Jón Helgi og bætir við að það komi honum ekki sérstaklega á óvart. „Þetta er eldgamalt hús og er búið að vera óhæft undir þessa starfsemi í 15 ár.“
Niðurstöður á næstu vikum
Óli Þór Jónsson frá EFLU segir að sýni hafi verið tekin fyrir 2-3 vikum og loftgæðamælingar séu nú í gangi. Lokaniðurstöður ættu að liggja fyrir á næstu vikum.
„Þetta er verkefni í vinnslu, en rannsóknum er ekki lokið. Það voru framkvæmdar loftgæðamælingar í leiðinni. Þetta er í raun og veru ástandsmat á húsnæði heilsugæslunnar og það felur í sér allt mögulegt, rakaskimun og fleira,“ segir Óli Þór og bætir við að svona ferli taki alltaf sinn tíma.
„Þetta er stórt hús með mörgum skúmaskotum og í mörg horn að líta. Ástandsskoðun á svona stórum húsum fer yfirleitt fram á mörgum vikum. Almennilegar niðurstöður gætu komið eftir einhverjar vikur, þannig að botn fáist í málið,“ segir hann.
Fréttin hefur verið uppfærð:
Upphaflega var greint frá því að ástandsskoðun hafi farið fram í öllu Amaró-húsinu en eftir ábendingu um að aðeins hafi verið framkvæmd skoðun á húsnæði heilsugæslunar hefur fréttin verið uppfærð í samræmi við það.
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
