13.nóvember - 20.nóvember - Tbl 46
Endurnýjun á veggjum Akureyrarkirkju á lokametrunum
Þegar framkvæmdum lýkur verður Akureyrarkirkja áfram sú prýði í bæjarmyndinni og hún á að vera, segir formaður sóknarnefndar.
Framkvæmdir standa yfir á norðurhlið Akureyrarkirkju og er áætlað að þær taki nokkrar vikur. Um er að ræða nýtt efni á ytri byrði kirkjunnar en viðgerðir á kirkjunni hófust fyrir ári síðan vegna skemmda sem unnar voru veturinn 2017 er spreyjað var á kirkjuna allskyns ófögrum orðum sem sneru flest að andúð á trúarbrögðum og heimspeki.
Mest var spreyjað á framhlið og suðurhlið kirkjunnar. Búið er að klára viðgerðir á þeim hliðum og með framkvæmdunum nú er að mestu lokið við endurnýjun á ytra byrði kirkjunnar. Sóknarnefnd Akureyrarkirkju sótti um fjárstyrk til Jöfnunarsjóðs kirkjunnar og húsfriðunarsjóðs Minjastofnunar Íslands vegna skemmdanna og var tjónið í heild sinni metið á um 18 milljónir króna en styrkir frá Jöfnunarsjóði kirkna og Húsafriðunarsjóði eru 9,5 milljónir króna. Keypt var efni til viðgerða á allri kirkjunni.
„Í fyrra var klárað að gera við skemmdirnar sem unnar voru á kirkjunni og það var augljóst að það myndi hafa í för með sér breytta ásýnd á húsinu. Því var ekki hjá því komist að okkar mati að halda áfram og klára verkið til að sýna húsinu þá virðingu að það yrði ekki hálfklárað,“ segir Ólafur Rúnar Ólafsson, formaður sóknarnefndar Akureyrarkirkju.
Hann segir að þegar efnið var keypt hafi verið hugsað til þess að hægt yrði að klára verkefnið í heild. „Þegar þessum framkvæmdum lýkur verður kirkjan áfram sú prýði í bæjarmyndinni og hún á að vera,“ segir Ólafur Rúnar.
Nýjast
-
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins.
