Dagskráin 18.desember - 8.janúar 2025
Bakþankar bæjarfulltrúa Andvaka yfir Naustagötu 13
Jón Hjaltason skrifar
Óskaplega getur verið erfitt að vera samkvæmur sjálfum sér. Tökum dæmi. Forðum var ég ekki sáttur við hugmyndir verktaka um Tónatröðina og hafði hátt um að auglýsa bæri lóðina aftur. Einfaldlega vegna þess að gjörbreyta átti skipulagi hennar.
Svo kemur upp svipuð staða á óbyggðu lóðinni við efra hringtorgið inn í Hagahverfi, Naustagötu 13. En þá verður sú kúvending að ég segi já og amen við því að lóðarhafi fái að byggja á gjörbreyttum forsendum frá því sem segir í aðalskipulagi.
Þetta er ekkert annað en spilling hefur mér verið brugðið um sem ég veit ekki alveg hvernig ber að túlka. Að borið hafi verið á mig fé? Eða ég fengið að gjöf dýrindis vín eða jakkaföt? Kannski það.
Hvað sem slíkum fréttaburði líður get ég fullvissað lesendur um að spillingar-orðrómurinn er stórlega ýktur. Ég viðurkenni ósamræmið í afstöðu til þessara tveggja mála en ekkert umfram það. Og hvort sem þið trúið því eða ekki þá lagðist ég í djúpa pælingu og niðurstaðan varð sú að segja já við skipulagsbreytingunni sem var að ósk lóðarhafa.
Rökin eru eftirfarandi. Ef ég man rétt hefur umrædd lóð verið auglýst þrívegis síðan 2021 og enginn sýnt henni áhuga nema núverandi lóðarhafi. Hann hefur sömuleiðis sýnt fram á fjárhagslega burði til að byggja á lóðinni. Verði Naustagata 13 auglýst enn og aftur óttast ég enn frekari tafir á uppbyggingu þar. Þá hefur fyrirhugaður leikskóli á lóðinni austan við Naustagötu 13 sett svolítið strik í reikning lóðarhafa sem breikkaði þó um allan helming þegar skipulagi hinnar fyrirhuguðu leikskólalóðar var gjörbreytt og skólinn settur niður á næstu lóð austan við.
Það sem hafði þó fyrst og fremst áhrif á afstöðu mína var að lóðarhafinn lagði fram hugmyndir að framtíð lóðarinnar sem ég tel falla vel að þörfum íbúa beggja hverfa sem eiga land að Naustagötu 13. Á íbúafundum undanfarið hafa fundargestir ítrekað látið í ljósi ánægju með nálægð við þjónustu og verslanir. En það er einmitt slík uppbygging sem er fyrirhuguð við Naustagötu 13.
Að lokum skal ég viðurkenna svolitla hlutdrægni, lóðarhafinn er nefnilega akureyrskur sem hafði vissulega ekki neikvæð áhrif á mig. Það er mín spilling.
Jón Hjaltason
óháður
Nýjast
-
Stuðningur við flóttamannaverkefni Rauða krossins við Eyjafjörð
Sigurður H. Ringsted kom færandi hendi til okkar í Rauða krossinn við Eyjafjörð með afrakstur af sölu dagatala sem hann hannaði og seldi í samstarfi með konunni sinni Bryndísi Kristjánsdóttur. -
Jólaró
Nú styttist heldur betur í jólin. -
Sjúkrabíllinn kominn aftur út í Hrísey
Sjúkrabíllinn í Hrísey er nú kominn aftur út í eyjuna eftir að hafa verið færður í land til yfirferðar og viðgerðar. -
Ljósastyrktarganga upp að Fálkafelli í dag til styrktar Velferðarsjóðs Eyjafjarðar
Það kom upp hugmynd um að hafa styrktargöngu upp í Fálkafell fyrir jólin og var ákveðið að skella í eina slíka. Tilvalið að mæta með rauðar húfur eða jólahúfur. -
Bakþankar bæjarfulltrúa Andvaka yfir Naustagötu 13
Óskaplega getur verið erfitt að vera samkvæmur sjálfum sér. Tökum dæmi. Forðum var ég ekki sáttur við hugmyndir verktaka um Tónatröðina og hafði hátt um að auglýsa bæri lóðina aftur. Einfaldlega vegna þess að gjörbreyta átti skipulagi hennar. -
Fögur fyrirheit en fátt um efndir
Það er óásættanlegt að ganga þurfi svo langt og sýnir að bærinn hefur misst tökin á þessum málum segir Sunna Hlín Jóhannesdóttir bæjarfullrúi í grein sinni. -
Jói Pé og Króli skrifa söngleik fyrir Leikfélag Akureyrar
Jói Pé og Króli munu skrifa nýjan söngleik fyrir Leikfélag Akureyrar sem verður frumsýndur 2027 -
Afmælishátíð á morgun fimmtudag
,,Á morgun fimmtudaginn 19 desember verða nákvæmlega 50 ár síðan ÚA Spánartogarinn Kaldbakur EA 301 kom i fyrsta sinn til heimahafnar hér á Akureyri og þessi hátið verður því afmælishátíð og í anda Stelluhátíðarinnar sem við sjómenn héldur fyrir rúmu ári, enmitt þá líka til að fagna því að þann dag 1. nóvember 2023 voru líka 50 ár síðan að Stellurnar, Svalbakur EA 302 og Sléttbakur EA 304 komu heim. Þá var afhjúpað stórglæsilegt líkan af þeim Stellusystrum svokölluðu." segir Sigfús Ólafur Helgason hvatamaður að smíði líkana af merkum togurum i sögu ÚA. Hátíðin fer fram á matsal Útgerðarfélags Akureyringa og hefst kl 17.00 -
Nýtt meistarnám í Velsældarfræðum hlýtur myndarlegan styrk
Nýtt meistaranám í Velsældarfræðum, Wellbeing Science, var eitt 19 verkefna sem hlaut styk úr Samstarfssjóði háskóla í morgun, eða 61 milljón króna. Um er að ræða samstarfsverkefni HR, HÍ, HA, Embætti landlæknis og Surrey háskóla á Englandi. Áslaug Arna Sigurbjörnsdóttir háskóla- og nýsköpunarráðherra kynnti úthlutunina. Velsældarhagkerfi er notað til að lýsa sýn sem er frábrugðin hinni hefðbundu nálgun á hagkerfið út frá eingöngu efnahagslegum mælingum. Þess í stað eru velsæld og lífsgæði metin út frá fjölmörgum félagslegum og umhverfislegum þáttum jafnt sem efnahagslegum.
