Tungumálakennsla er sértæk kennsla
Helga Dögg Sverrisdóttir skrifar
Margir faglegir leiðtogar skóla líta ekki á tungumálanám sem sértækt nám. Þeir búa ekki vel að tungumálakennslu í þeim skólum sem þeir fara fyrir. Samt skipta tungumál miklu máli á komandi árum fyrir nemendur.
Ákveðin skilyrði fyrir hendi
Til að nemendur læri tungumálið þurfa þau að heyra það. Þau þurfa að líka sjá orðin og því eru tungumálastofur nauðsynlegar. Slíkar stofur gerir tungumálakennaranum kleift að baða nemendur upp úr orðum sem þau vinna með hverju sinni. Námsumhverfið þarf að vera hvetjandi. Á Akureyri er víst lítið um að tungumálakennari, t.d. í dönsku hafi sérrými. Tungumálakennurum er gert að deila stofum með öðrum kennurum sem kenna ólík fög.
Mikilvægt er að kennari sem kennir tungumálið sé vel talandi á því og geti notað það í kennslu. Því miður er það ekki alltaf svo. Almennir kennarar sem hafa ekki einu sinni tekið t.d. dönsku sem sérgrein kenna oft tungumálið. Faglegir leiðtogar skóla ættu að gera allt sem í þeirra valdi stendur til að ráða til sín tungumálakennara. Sérhæfða kennara.
Kennsluhættir
Eins og í öðru námi verða kennsluhættir að endurspegla getu og hæfni kennara í tungumálakennslunni. Kennari sem hefur góð tök á tungumálinu sem er kennt hefur betri forsendur til að endurspegla fjölbreyttari kennsluhætti í kennslustofunni en kennari sem hefur það ekki. Í upphafi tungumálanáms verður að höfða til leikja barna og áhuga þeirra fyrir að læra eitthvað nýtt.
Háskólinn á Akureyri
Hér á svæðinu eru margir kennarar sem fara í gegnum kennaranámið í Háskólanum á Akureyri. Í þeim skóla er ekki boðið upp á tungumálabraut. Þeir nemendur sem vilja sérhæfa sig í tungumálakennslu fara því oft suður fyrir heiðar til að fá þann undirbúning sem þarf til að kenna tungumál. Því miður eru of fáir nemendur sem velja þá leið að sérhæfa sig í tungumálanámi og því eru þeir sem það gera verðmætir fyrir grunnskólann.
Helga Dögg Sverrisdóttir, M.Sc. M.Ed. B.Ed með sérhæfingu í tungumálakennslu.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
