Gott, grænt og gult fótboltasumar í sumar
Það gladdi alla Norðlendinga þegar karlalið KA varð Bikarmeistari í knattspyrnu í fyrsta skipti í sögu félagsins. KA var vel að þessum sigri komið, gleði og stolt þeirra einlægt. En við Þingeyingar, sem erum ekki þekktir fyrir mikla hógværð, viljum benda á staðreyndir sem tengjast þessu afreki.
Í öllum liðum skiptir, sköpum að það sé réttur maður á réttum stað. Þá er ekki verra að hafa nokkra lykilmenn, eða burðarása, sem eru uppaldir hjá því magnaða græna liði, Völsungi. Auk þess eru þjálfarinn og framkvæmdastjórinn nýkomnir úr Völsungstreyjunni. Grunar reyndar að þeir séu í henni undir þeirri gulu. Það er ljóst að KA menn eru naskir á að finna afbragðsleikmenn og félaga frá Húsavík svo með hógværð bendum við á að þetta var svona gul-grænn sigur.
Félagi minn úr KA hefur alltaf sagt við mig á stundu sem þessari, að gult og blátt sé í raun grænt þ.a. litafræðin bindur okkur eilíflega saman. Sameinaðir stöndum vér. En það er fleira sem gleður græna.
Karlalið Völsungs tryggði sér sæti í 1. deild karla á næsta ári. Þá hafa Völsungs stelpurnar átt góðan leik í sumar og voru hársbreidd frá því að ná í Lengudeildina, en þær munu ná því sæti að ári.
Tölfræði er skemmtileg og Leifur Grímsson, Völsungur hefur tekið saman, að unglingastarf Völsungs á Húsavík búi til langflestu fótboltamennina á Íslandi, miðað við okkar allra bestu höfðatölu. Þannig að fyrir hverja 10 Húsvíkinga sem verða fótboltamenn í þremur efstu deildum karla á Íslandi, eða atvinnumenn erlendis, þá koma 7,2 frá Grindavík, 6,8 frá Garðabæ, 4,9 frá Akureyri og aðeins 2 frá Reykjavík.
Ég tek þennan útreikning Leifs sem heilögum sannleik og þetta vita KA menn augljóslega.
Til hamingju allir, gulir, grænir og litblindir.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
