Vikudagur kemur út í dag
Vikudagur kemur út í dag, fimmtudaginn 22. ágúst og er farið um víðan völl í blaði vikunnar. Meðal efnis:
-Elvar Reykjalín framkvæmdastjóri Ektafisks á Hauganesi og eigandi Baccalá bar, sem að auki rekur tjaldsvæðið í þorpinu og heita potta í Sandvíkurfjöru en ferðaþjónustu hluti starfsemi hans hefur notið mikilla og vaxandi vinsælda með árunum.
-Eins og fjallað var um í blaðinu í upphafi árs hyggjast bæjaryfirvöld á Akureyri reisa styttu af teiknimyndapersónunni Tinna og hundinum hans Tobba á Torfunesbryggju. Í minnisblaði er gerð grein fyrir stöðu mála í ferlinu segir að komið sé á samband við tengiliði hjá leyfishafa Hergé í Belgíu og komnar séu upp verðhugmyndir.
-Minnisvarði um Grant Wagsaff frá Kanada var afhjúpaður á Melgerðismelum á dögunum en það var Arngrímur Jóhannsson flugmaður og vinur Grants sem lét reisa minnisvarðann. Grant lést í flugslysi um mitt sumarið 2015 þegar vél sem Arngrímur og hann flugu frá Akureyri á leið til Keflavíkur brotlenti á fjallinu Gíslahnúk í Barkárdal.
-Fyrstu nemendurnir til að ljúka 5. og síðustu lotu stjórnendanáms á vegum Símenntunar Háskólans á Akureyri tóku við skírteinum sínum sl. föstudag. Námið er samstarfsverkefni starfsmenntasjóðs Sambands stjórnendafélaga og Samtaka atvinnulífsins en Símenntun Háskólans á Akureyri sér um að halda utan um skráningu og kennslu.
- Í Húsi vikunnar fjallar Arnór Bliki Hallmundsson um Strandgötu 11.
-Sirrý Örvars er textílhönnuður og safnafræðingur og starfar sem verkefnisstjóri við mótun safnastefnu, ásamt hönnun á eigin fatalínu. Hún er jafnframt matgæðingur vikunnar að þessu sinni.
Þetta og meira til í Vikudegi í dag. Hægt er að gerast áskrifandi með einföldum hætti með því að smella hér. Áskriftarsíminn er 460-0750 og 860 6751 og einnig er hægt senda póst á askrift@vikudagur.is.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
