20. nóvember - 27. nóvember - Tbl 47
Þriðja bókin í erótískri seríu
Sandra Clausen.
Akureyringurinn Sandra Clausen gefur út sína þriðju bók fyrir jólin. Bókin nefnist Ferðin og er þriðja bókin í seríunni Hjartablóð. Ferðin er sjálfstætt framhald Flóttans sem kom út í fyrra. Í nýju bókinni fylgjumst við enn með fjölskyldunni í Smálöndum og þá sérstaklega Magdalenu Ingvarsdóttir, aðalsögupersónu bókanna.
Í þetta sinn er ferðinni heitið að fyrri heimkynnum hennar eftir langa dvöl á Íslandi. Sögusvið er 17. öldin og fléttar Sandra saman bæði sögulegum staðreyndum og hreinum skáldskap.
„Því geymir bókin bæði áhugaverða fróðleiksmola tengda samfélagi og trúmálum,“ segir Sandra. Hjartablóð er erótísk bókasería og segir Sandra þá þriðju ekki gefa hinum tveimur neitt eftir í þeim efnum. „Lesandinn kynnist persónum betur í Ferðinni sem er ívið lengri í samanburði við hinar tvær. Við köfum dýpra í fyrri atburðarrás og ýmis leyndarmál líta dagsins ljós. Forboðnar ástir og fölsk loforð eru útkljáð en litríkar persónur passa uppá að halda uppi vissum léttleika í sögunni,“ segir Sandra.
Hún segir bækurnar hafa verið umtalaðar fyrir fallegar kápur en það er Kontor auglýsingastofa sem sér um hönnunina. „Eins og áður prýðir Magda forsíðuna en ber nú höfuðið hátt þrátt fyrir þau hrakföll sem hún hefur orðið fyrir.“
Spurð hvort framhaldið verði lengra á seríunni segist Sandra halda áfram að skrifa svo lengi sem fólk les eða hlustar. Ferðin kemur út sem hljóðbók fyrir jólin hjá Storytel og seinna í búðir. Hjartablóð hefur fengið mikið lof á hljóðbókarmarkaðnum og hinar tvær, Fjötrar og Flóttinn, sátu á metsölulista síðasta sumar.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
