„Þarf að einbeita mér að sjálfum mér og minni heilsu“
„Þetta var mjög erfið ákvörðun að taka og ég er búinn að liggja yfir henni lengi. Ég var nú farinn að hallast að því fyrir nokkru síðan að ég myndi fara þessa leið en var að berjast við sjálfan mig,“ segir Matthías Rögnvaldsson, forseti bæjarstjórnar á Akureyri og oddviti L-listans, í samtali við Vikudag.
Matthías tilkynnti það á Facebooksíðu sinni fyrr í vikunni að hann myndi ekki gefa kost á sér í sveitarstjórnarkosningunum í vor. Hann kom nýr inn í bæjarstjórn eftir síðustu bæjarkosningar fyrir fjórum árum. Spurður um hvað hafi gert útslagið um að hann ætli hætta segir Matthías það vera af heilsufarsástæðum.
„Ég þarf að fara að einbeita mér meira að sjálfum mér og mínu lífi. Eins og kannski sést þá er ég töluvert of þungur og ég þarf að fara að taka á mínum málum. Ég hef fengið margar aðvaranir í gegnum tíðina, verið á ýmsum lyfjum og núna þarf ég að hægja á mér og forgangsraða rétt,“ segir Matthías.
Kveður bæjarmálin með söknuði
Matthías segir starf bæjarfulltrúa vera mikla vinnu. „Hvort sem þú ert í einhverri annari vinnu með eða ekki þá er þetta rosalega mikil vinna. Ég hef
verið það heppinn að geta stýrt mínum vinnutíma þar sem ég er í eigin rekstri,“ segir Matthías. „En fjölskyldan fagnar þessari ákvörðun gríðarlega þar sem ég sé fram á að geta varið meiri tíma heima hjá mér með mínu fólki. Þau hafa líka áhyggjur af mér og eru þessa vegna ánægð með þessa niðurstöðu.“
Matthías segist kveðja bæjarmálin með söknuði. „Þetta hefur verið mjög lærdómsríkur tími og mig langaði mikið að halda áfram. Þetta er skemmtileg og gefandi vinna, þó þetta sé oft erfitt líka á köflum.“ Spurður hvort hann sé hættur í pólitík segir Matthías það óvíst. „Það er aldrei vita hvað gerist í framtíðinni og ég útiloka ekki neitt.“
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
