Opna dyrnar í Eyjafjarðarsveit
Ferðamálafélag Eyjafjarðarsveitar stendur fyrir opnum dyrum í sveitinni á laugardaginn kemur þann 7. desember. Þar munu fjölmörg fyrirtæki bjóða upp á gjafabréf til sölu í jólapakkana og vera með skemmtilegar uppákomur.
María Pálsdóttir, eigandi og rekandi Hælisins í Kristnesi, er ein af þeim sem ætlar að opna dyrnar upp á gátt á laugardaginn.
„Ferðamálafélag Eyjafjarðarsveitar er vetttvangur fyrir alla sem sinna ferðaþjónustu í sveitinni og það er mikill hugur í fólki. Okkur langaði að minna á okkur og kynna fjölbreytileikann og fá fólk til að kaupa upplifun í jólapakkann. Alveg tilvalið að hvetja fólk til að fara í bíltúr í sveitina og koma við á sem flestum stöðum,“ segir María.
Þau fyrirtæki sem verða með opið hús eru Iceland Yurt, Ásar Guesthouse, Jóga á Jódísarstöðum, Kaffi Kú, Kyrrðarhofið, Brúnalaug Guesthouse, Brúnir/Brunirehorse, Sigga Sólarljós, Smámunasafnið, Holtsel, Dyngjan-Listhús, Lupus Luna, Íslandsbærinn, Geira Gunn Gunn, Jólagarðurinn og Hælið. María segir að vel hafi gengið að fá fólk og fyrirtæki til að taka þátt í opna deginum. Hún segir fjölbreytileikann sýna hversu mikið Eyjafjarðarsveit hefur upp á að bjóða.
„Söfn, sýningar, gistimöguleikar, markaðir, vinnustofur, jóga, kyrrðarhof, jólagarður, hönnun og handverk og bara nefndu það. Og allir ætla að vera með eitthvað spes hjá sér á laugardaginn. Eins og tilboð á gjafabréfum, lifandi tónlist, frían aðgang, smakk á framleiðslu, tónheilun, slökun og áfram mætti telja.“
María segir að stefnan sé að gera þetta að árlegum viðburði hið minnsta, jafnvel tvisvar á ári og þá einnig á vorin. Hún stendur að vanda vaktina á Hælinu og þar verður frítt inn á sýninguna um sögu berklana og harmonikkuleikari heldur uppi stemmningunni. „Ég hvet alla til að koma inn í fjörð og þræða sem flesta staði á laugardaginn,“ segir María Pálsdóttir.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
