20. nóvember - 27. nóvember - Tbl 47
Íslenskur hálendingur rannsakar þjóðarétt
Rachael Lorna Johnstone er prófessor við Lagadeild Hug- og félagsvísindasviðs Háskólans á Akureyri og hefur starfað við háskólann frá árinu 2003.
Rachael Lorna Johnstone er prófessor við Lagadeild Hug- og félagsvísindasviðs Háskólans á Akureyri og hefur starfað við háskólann frá árinu 2003. Rachael fékk nýverið Nordforsk-styrk til að hefja rannsókn á sjálfsákvörðunarrétti nýlendna, fyrrverandi nýlendna og frumbyggjaþjóða á eignarhaldi skjalasafna sem tengjast sögu þeirra. Rannsóknarverkefnið mun síðan fjalla um réttindi Inúíta, Sama og Íslendinga um að fá afhent skjöl um eigin sögu.
Kennir grunnreglur þjóðaréttar áður en hún aftengir þær
Rachael rannsakar þjóðarétt og sér í lagi hvernig ólíkir aðilar á Norðurslóðum vinna saman. „Ég nálgast verkefnin sem andstæðingur nýlenduveldisins og set spurningamerki við ríkisvaldið. Ég hef birt greinar um hernám nýlenda og takmörk afnýlenduvæðingar, réttindi frumbyggja til lands og auðlinda, stjórnarhætti jarðvinnsluiðnaðar, umhverfisvernd, mannréttindi, ríkisábyrgð og stefnur á Norðurslóðum,“ segir Rachael.
Rachael kennir mestmegnis stúdentum í Heimskautarétti á meistarastigi en einnig grunnnemum í lögfræði: „Ég stend sjálfa mig að því að kenna grunnnemum grunnreglur þjóðaréttar bara til að aftengja þær í framhaldsnáminu.“ Auk þjóðaréttar, kennir Rachael námskeið um réttindi frumbyggja, mannréttindi og samanburðarrétt.
Lítur á sig sem hálending
Rachael fæddist í Glasgow í Skotlandi en fluttist til Thurso í Norður-Skotlandi þegar hún var sex ára og lítur því á sig sem hálending. Hún snéri aftur til Glasgow til að nema lögfræði og tók meistaragráðu í Brussel í Belgíu áður en hún hélt til Toronto í Kanada í doktorsnám.
„Það var svo Mikael M. Karlsson heimspekiprófessor sem spurði mig hvort ég hefði áhuga á að hjálpa til við að byggja upp nýja lagadeild við háskóla á norður Íslandi. Svarið mitt var auðvitað nei því ég þyrfti að klára doktorsnámið. En svo hugsaði ég málið og taldi það gagnlegt mínum ferli að fá smá akademíska reynslu og tók stöðu aðjúnkts til eins árs,“ segir Rachael um ákvörðunina um að flytja til Akureyrar.
Vill hvergi annarsstaðar búa – samt búin að fá nóg af snjómokstri
Rachael hefur búið á Akureyri frá 2003 með hléum vegna rannsóknarleyfa erlendis: „Ég var spurð að því hvar ég myndi vilja búa ef ég gæti valið hvað sem er. Eftir mikla umhugsun svaraði ég að ég myndi hvergi annarsstaðar vilja vera en akkúrat hér á Akureyri. Mig langar að eldast hér – allavega á sumrin. Ég þyrfti þó að taka löng vetrarfrí á hlýrri stöðum því ég er gersamlega búin að fá nóg af því að moka snjó,“ segir Rachael að lokum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
