20. nóvember - 27. nóvember - Tbl 47
Eins og í Sjallanum í denn!
Jólasveinabrekka er alltaf vinsæl þó líði ár og áratugir. Myndir Vikubl.
Það er óhætt að fullyrða að hreyfing og útivera var ofarlega í huga Akureyringa í dag. Hvert sem litið var mátti sjá fólk á göngu, skokki eða í sundi og á gönguskíðum. Likamsræktarstöðvar voru afar vinsælar og í Hlíðarfjalli renndi fólk sér í troðnum púðursnjó.
Reyndar heyrðist einn gestur líkamsræktarstöðvar líkja deginum við ferð í Sjallann í denn. Það var þegar báðir voru upp á sitt besta þ.e Sjallinn og sá sem talaði. Annar dagur jóla var þannig að þá var Sjallinn pakkaður af fólki, þar var tónlist, sviti og mikið drukkið. Drykkur dagsins við æfingar þó með öðrum hætti en forðum
Einn þeirra sem var að lyfta lóðum heitir Jón Ingi Guðmundsson, enginn nýgræðingur i þeim efnum.
,,Ég fór að lyfta þegar ég hætti í fótboltanum og hef haldið mig við líkamsrækt i áratugi er óhætt að segja. Það er ótrúlega gaman að sjá hvað margir eru að æfa í dag því það gerir öllum gott.“
Ég byrjaði annars daginn á því að fara á gönguskíði í Kjarnaskógi, það var meiriháttar færi, nýji troðarinn frábær. Hreyfing er mér mikilvæg og ég sem á þrjá veiðihunda fæ nóg af henni með þeim til viðbótar við lóðin og gönguskíðin“ sagði Jón Ingi og rauk að næsta æfingatæki.
Jón Ingi einbeittur á svip
Í Kjarnaskógi var margt um manninn etv rólegra yfirbragð en í ræktinni en fólk á öllum aldri út um allan skóg.
Einn af gestum skógarins var Ellert Gunnsteinsson. ,, Það er ekki slæmt að koma hingað og fara á gönguskíði, slóðir sporaðar um allan skóg og starfsfólk skógarins eiga heiður skilinn fyrir það hve vel er hugsað um þarfir okkar. Á jóladag var búið að leggja brautir eldsnemma, löngu fyrir fótaferðatíma hjá venjulegu fólki.“ Þegar ég var yngri var ég i hand og fótbolta svo kom fjölskyldulífið en núna þegar við konan eru eftir i kotinu þá fundum við t.d að skíðaganga væri eitthvað sem gott væri að stunda saman og við gerum mikið að því enda tækifærið hér i Kjarnaskógi aldeilis einstakt.“
Ellert Gunnsteinsson að gera sig til.
Já fólk var út um allt, göngustígar mjög margir höfðu verið ruddir og þakklátir bæjarbúar og gestir hans kunnu vel að meta, og vinsældir Jólasveinabrekku breytast seint.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
