20. nóvember - 27. nóvember - Tbl 47
„Ég tilheyri engu landi og á því heima allsstaðar”
Renata Ortega sýnir verk sín í Hvalasafninu á Húsavík. Mynd/epe
Í tilefni af 20 ára afmæli Hvalasafnsins á Húsavík stendur nú yfir áhugaverð myndlistasýning í einu af sýningarrýmum safnsins; eftir spænska myndlistarkonu að nafni Rena Ortega. Sýningin samanstendur af litríkum teikningum og málverkum af hvölum en rýmið er allt blámálað og maður fær á tilfinninguna að vera komin niður í undirdjúp hafsins þegar gengið er inn.
„Ég er fædd á Spáni á milli fjalls og fjöru en ég segi alltaf að ég hafi aðsetur í heiminum. Ég tilheyri engu landi og á því heima allsstaðar,” sagði þessi heillandi listakona þegar blaðamaður Skarps heimsótti hana í Hvalasafnið. Þar var hún að leggja lokahönd á sýningu sína. „Ég fæ innblástur minn frá náttúrunni og úr ferðalögum mínum. Ég elska að teikna dýr, landslag og fólk en teikna líka landakort og ýmislegt fleira. Ég er mikill aðdáandi pappírsins. Mér finnst hann nauðsynlegur til að myndirnar njóti sín til fulls. Að geta snert efnið og tekið á því gefur svo mikið forskot á hið stafræna.”
Rena kom fyrst til Íslands sem ferðamaður fyrir þremur árum síðan og varð að eigin sögn algjörlega ástfangin af landi og þjóð. „Náttúran og víðátturnar eru engu líkar. Frelsistilfinningin við að komast úr borginni út í víðerni Íslands var einstök og vart hægt að lýsa með orðum. Svo kom ég að sjálfsögðu til Húsavíkur og fór í hvalaskoðun en það var í fyrsta sinn sem ég sá hval á ævinni,” sagði Renata og ánægjan skein úr andliti hennar.
Viðtalið er hægt að lesa í heild sinni í prentútgáfu Skarps.
-Skarpur, 5. júlí
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
