20. nóvember - 27. nóvember - Tbl 47
Byrjaði að sparka bolta 4 ára
Kayla Grimsley og Kristina Corona undirbúa æfingu hjá meistaraflokki kvenna. Myndi/epe
Kayla Grimsley er 27 ára knattspyrnukona frá Flórída í Bandaríkjunum. Hún kom fyrst til Íslands árið 2012 þegar hún samdi við Þór/KA og lék með liðinu í efstu deild kvenna í fjögur ár. Fyrsta tímabilið hennar með Akureyrarliðinu skilaði Íslandsmeistaratitlinum í hús, næstu þrjú tímabilin varð fjórða sætið niðurstaðan. Öll árin lék hún undir stjórn Jóhanns Kristins Gunnarssonar sem nú þjálfar meistaraflokk karla hjá Völsungi. Það er líka fyrir tilstilli hans að Kayla er nú spilandi þjálfari kvennaliðs Völsungs.
Kayla sagði það ekki hafa hvarlað að sér á sínum tíma að hún ætti það eftir að spila fótbolta á Íslandi. „Ég spilaði í háskólaboltanum heima í Bandaríkjunum og var með umboðsmann sem vann með liðum í fleiri löndum,“ sagði hún og bætti við að á sínum tíma hafi hún haft nokkra valkosti en á endanum kastaði hún upp peningi og það hafi ráðið því að hún kom til Íslands. „Ég bjóst bara við því að vera hér í eitt ár en ég var svo ánægð hérna að ég ákvað að koma aftur og dvelja hér í fjögur ný ár.“
Fékk fjölskylduna með í boltann
Kayla er yngst af fjórum systkinum og í fjölskyldu hennar hafa ætíð verið stundaðar íþróttir af miklu kappi og einn bræðra hennar spilaði amerískan fótbolta. Það var þó engin þekking eða áhugi á knattspyrnu fyrr en Kayla fór að sparka bolta fjögurra ára gömul. „Ég byrjaði bara að leika mér með bolta með öðrum krökkum og spurði mömmu hvort ég mætti byrja að æfa. Til að byrja með vildi hún ekki leyfa mér það. Síðan óx ég og blómstraði, í kjölfarið fóru hin systkini mín að spila líka og að lokum tókst mér að fá alla fjölskylduna í fótboltann með mér. Núna er pabbi sennilega fótboltakóngurinn, hann veit allt um öll lið í helstu deildum. Ég býst við að ég hafi ekki komið úr fótboltafjölskyldu heldur hafi ég búið hana til,“ segir hún og hlær
Viðtalið í heild sinni má nálgast í prentútgáfu Skarps.
- Skarpur, 6. júní 2017
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
