,,Umrædd umfjöllun í Heimildinni hnikar ekki, eða hrekur, fyrri yfirlýsingar mínar“
Þorsteinn Már Baldvinsson forstjóri Samherja skrifar í dag bréf til starfsfólks fyrirtækisins í kjölfar þess að Heimildin sagði frá þvi í morgun að samkvæmt upplýsingum sem fjölmiðilinn sé með undir höndum hafi tæknimönnum hérðassaksóknara tekist að komast yfir á annað þúsund smáskilaboð sem fóru á milli Þorsteins Más og Jóhannesar Stefánssonar meðan sá starfaði í Namibíu á vegum Samherja.
Í bréfinu til starfsfólksins gefur Þorsteinn lítið fyrir frásögn Heimildarinnar.
,,Ágæta samstarfsfólk.
Heimildin birti í dag umfjöllun um mál sem hefur verið til rannsóknar í fimm ár. Þar er því haldið fram að upplýsingarnar varpi nýju ljósi á málsatvik. Svo er ekki. Umrædd umfjöllun í Heimildinni hnikar ekki, eða hrekur, fyrri yfirlýsingar mínar um málið. Þær standa óhaggaðar.
Mér þykir mjög miður og algjörlega óásættanlegt að fyrrverandi starfsfólki fyrirtækisins sé haldið í spennitreyju með réttarstöðu sakbornings í fimm ár án tilefnis. Miðað við þær upplýsingar sem liggja fyrir virðist mega reikna með að þannig verði það áfram. Þá er útlit fyrir að ekkert tillit verði tekið til þess mikla álags sem slík réttarstaða hefur fyrir heiðarlegt og samviskusamt fólk og fjölskyldur þeirra.
Eins og ég hef áður sagt þá munum við verjast þessum ásökunum af fullum þunga en málið verður ekki rekið í fjölmiðlum.
Aðalatriðið er að þið látið ekki þessa umfjöllun raska vinnufriðnum og haldið áfram ykkar góðu verkum. Vikan sem er að líða gekk vel, tíðarfarið hefur verið gott, skipin fiska vel, vinnslurnar eru öflugar að vanda og þá borðaði fiskurinn vel í eldinu.
Bestu kveðjur og góða helgi,
Þorsteinn Már"
Nýjast
-
Sextugur myndverkamaður, sýning og uppákoma í Deiglunni
Myndlistarmaðurinn Aðalsteinn Þórsson fagnar sex tugum af lífi. Í tilefni af því hefur hann tekið til afnota fjölnotasalinn Deigluna að Kaupvangsstræti 23 á Akureyri helgina 18. - 20. október, fyrir uppákomu, sýningu og hátíðahöld. Þar gefst gestum og gangandi kostur á að koma, njóta gleðjast og skapa. -
Bæjarráð uggandi vegna fyrirhugaðs afnáms á tollafrelsi skemmtiferðaskipa á hringsiglingum
Bæjarráð Akureyrar samþykkti samhljóða á fundi sínum í gær (fimmtudag) harðorða ályktun vegna fyrirhugaðar breytingar á tollafrelsi skemmtiferðaskipa á hringsiglingum en eins og fram hefur komið í fréttum hjá okkur.stendur til að afnema tollafrelsið um næstu áramót. -
Sigmundur Davíð áfram í Norðausturkjördæmi
Sigmundur Davíð Gunnlaugsson, formaður Miðflokksins, verður áfram í framboði fyrir flokkinn í Norðausturkjördæmi. Unnið er að uppstillingu hjá flokknum.Í svari við fyrirspurn Vikublaðsins staðfesti Hannes Karlsson, framkvæmdastjóri Miðflokksins, að Sigmundur Davíð verði áfram í oddvitasæti listans. Uppstillingarnefnd flokksins er að störfum og von er á niðurstöðum eftir helgi. -
,,Umrædd umfjöllun í Heimildinni hnikar ekki, eða hrekur, fyrri yfirlýsingar mínar“
Þorsteinn Már Baldvinsson forstjóri Samherja skrifar í dag bréf til starfsfólks fyrirtækisins í kjölfar þess að Heimildin sagði frá þvi í morgun að samkvæmt upplýsingum sem fjölmiðilinn sé með undir höndum hafi tæknimönnum hérðassaksóknara tekist að komast yfir á annað þúsund smáskilaboð sem fóru á milli Þorsteins Más og Jóhannesar Stefánssonar meðan sá starfaði í Namibíu á vegum Samherja. Í bréfinu til starfsfólksins gefur Þorsteinn lítið fyrir frásögn Heimildarinnar. -
Berglind, Berglind og Valgerður sækjast eftir öðru sætinu á lista Sjálfstæðisflokksins
Berglind Harpa Svavarsdóttir, oddviti Sjálfstæðisflokksins í Múlaþingi og varaþingmaður flokksins í Norðausturkjördæmi, Berglind Ósk Guðmundsdóttir þingmaður og Valgerður Gunnarsdóttir, fyrrverandi þingmaður, hafa allar lýst yfir áhuga á að taka annað sætið á lista flokksins í kjördæminu fyrir komandi kosningar. -
Vinnu við nýjar kirkjutröppur lýkur senn
Miklar og ófyrirséðar tafir hafa orðið á vinnu við nýjar kirkjutröppur á Akureyri en nú er fátt sem getur komið í veg fyrir að framkvæmdum ljúki fyrir árslok. -
Lóð við Súluveg/Miðhúsabraut álitlegur staður fyrir nýja slökkviliðsstöð -Leita þarf að nýjum stað fyrir dýraspítala sem áður hafði fengið lóðina
Skipulagsráð hefur falið skipulagsfulltrúa að finna nýja lóð í bæjarlandi Akureyrar sem hentar fyrir starfsemi dýraspítala. Samþykkt var á fundi bæjarráðs í ágúst 2022 að veita Dýralæknaþjónustu Eyjafjarðar lóð á mótum Súluvegar og Miðhúsabrautar. Frestur til framkvæmda er liðinn samkvæmt almennum byggingarskilmálum. Slökkvilið Akureyrar sótti um þessa sömu lóð og telur að umrætt svæði sé best til þess fallið að byggja upp nýja slökkvistöð á Akureyri til framtíðar litið. Í greinargerð slökkviliðsstjóra segir að nauðsynlegt sé að huga að byggingu nýrrar slökkvistöðvar. Staðsetning núverandi slökkvistöðvar sé slæ, umferð mikil og vaxandi og tefji útkallstíma. Lóðin við Súluveg henti slökkviliði vel, bærinn hafi stækkað til norðurs og suðurs og staðsetning nýrrar lóðar sé miðsvæðis. Umferðarþungi á svæðinu er lítill og lóðin býður upp á svæði til æfinga og þjálfunar. Fram kemur að skynsamlegt sé að ráðast í byggingu nýrrar slökkvistöðvar sem fyrst, það sé fjárhagslegur ávinningur fyrir bæjarsamfélagið. -
Ég sækist eftir 1 sæti á framboðslista Sjálfstæðisflokksins
Ég hef ákveðið að sækjast eftir 1.sæti á framboðslista Sjálfstæðisflokksins í Norðausturkjördæmi í Alþingiskosningum 30. nóvember næstkomandi. Frá því að ég hlaut trúnað ykkar og kjör á Alþingi 2016 hef ég af af öllum kröftum verið að vinna að hag kjördæmis okkar og þjóðarinnar allrar. Áherslur mínar hafa allan þann tíma verið á þau grundvallarmál sem skipta mestu fyrir verðmætasköpun í landinu: Atvinnumál, lífskjör fólks og búsetuskilyrði í Norðausturkjördæmi, samgöngumál, heilbrigðismál, raforkumál, málefni ferðaþjónustunnar, landbúnaðarmál, sjávarútvegsmál, byggðamál, menntun og menningarmál og svo mætti lengi telja. Jafnframt hef ég haft trúnað Alþingis til að vinna að efnahagsmálum, ríkisfjármálum og utanríkismálum. Ég hef verið virkur í umræðum í öryggis og varnarmálum og leitt þátttöku íslands á erlendri grund í þeim efnum. Samgöngumál hafa verið sérstakt baráttumál enda má segja að ekkert skipti velferð fólks á landsbyggðinni meira máli en góðar og öruggar samgöngur. Reynsla og þekking er verðmæt í störfum á Alþingi. Með þátttöku minni og tengslum við atvinnulíf, við sveitarstjórnarmál og áralöng reynsla af þingmennsku hef ég öðlast skarpa sýn á þau málefni sem þurfa sérstaka athygli á vettvangi stjórnmála á næstu áru -
Líneik Anna hættir á þingi
Líneik Anna Sævarsdóttir, þingmaður Framsóknarflokksins í Norðausturkjördæmi, hefur ákveðið að gefa ekki kost á sér í komandi Alþingiskosningum.
