20. nóvember - 27. nóvember - Tbl 47
Tímamót í vegferð að eflingu sjúkrahússins
Skrifað undir samninginn sem er á milli Nýs Landspítala (NLSH ohf) og hönnunarhóps sem samanstendur af Verkís hf, TBL arkitektum, JCA Ltd. og Brekke & Strand. Frá vinstri eru Hildigunnur Svavarsdóttir forstjóri Sjúkrahússins á Akureyri, Ivon Stefán Cilia arkitekt og framkvæmdastjóri TBL. Hrafnhildur Ólafsdóttir arkitekt og framkvæmdastjóri JCA, Willum Þór Þórsson heilbrigðisráðherra, Eiríkur Steinn Búason verkefnastjóri hjá Verkís og Jóhannes Bjarnason formaður Hollvina SAk, en hann og Hildigunnur vottuðu undirskriftir samningsins.
Samningur um hönnun nýbygginga við Sjúkrahúsið á Akureyri undirritaður
„Þetta markar mikil tímamót í vegferð okkar að eflingu Sjúkrahússins á Akureyri með tilliti til bættrar aðstöðu sjúklinga og starfsumhverfi fyrir starfsfólk þess,“ segir Hildigunnur Svavarsdóttir forstjóri Sjúkrahússins á Akureyri, SAk en skrifað hefur verið undir samning um hönnun nýrra legudeildarbygginga við SAk. Hönnunarvinna mun standa yfir næstu mánuði og er stefnt að því að taka fyrstu skóflustungu að nýbyggingum við sjúkrahúsið í ágúst á næsta ári og hefja jarðvegsvinnu í framhaldinu.
„Ég er hæst ánægð með þennan áfanga, þetta er gleðilegt fyrir okkur öll, starfsfólkið á sjúkrahúsinu og samfélagið allt. Við hlökkum mikið til áframhaldandi vinnu við hönnunina og bindum vonir við að hér verði komin nýbygging eins og áætlanir standa til eða í lok árs 2028,“ segir Hildigunnur.
Mikilvægt að búa vel að sjúkrahúsinu
Við athöfn sem fram fór á nýjum tengigangi milli bygginga á SAk fluttu þau Gunnar Svavarsson framkvæmdastjóri NLSH , Willum Þór Þórsson heilbrigðisráðherra og Eiríkur Steinn Búason verkefnastjóri hjá Verkís ávörp áður en skrifað var undir hönnunarsamninginn. Heilbrigðisráðherra sagði fagnaðarefni að samningur um hönnun væri í höfn enda mikilvægt að vel væri búið að starfsemi sjúkrahússins. Starfsfólk þess hefði svo sannarlega sannað hvers það er megnugt þegar það tókst á við stórt og erfitt rútuslys á dögunum og þakkaði ráðherra vel unnið og faglegt verk.
Nýbyggingin verður sunnan við núverandi byggingar, þar sem nú er bílastæði og tengist eldri byggingum. Alls verður hún um 10 þúsund fermetrar að stærð. Í nýbyggingunni verður starfsemi skurðlækningadeildar, lyflækningadeildar og geðdeildar ásamt stoðrýmum fyrir dag- og göngudeild geðdeildar. Þegar deildir færast yfir í nýtt húsnæði þarf einnig að endurhanna um 1.300 fermetra húsnæði í eldri byggingum.
Nýbyggingin verður sunnan við núverandi byggingar, þar sem nú er bílastæði og tengist eldri byggingum.
Í nýbyggingunni verður starfsemi skurðlækningadeildar, lyflækningadeildar og geðdeildar ásamt stoðrýmum fyrir dag- og göngudeild geðdeildar.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
