30. október - 6. nóember - Tbl 44
Stúdentar við HA sigurvegarar á hugmyndavinnudegi
Sigrún María, Arnar Logi og Brynjar Már.
Fyrstu stúdentarnir í iðnaðar- og orkutæknifræði við Háskólann á Akureyri, í samstarfi við Háskólann í Reykjavík, hófu nám í ágúst. Í HA hlýða stúdentar á fyrirlestra í beinu streymi á sama tíma og kennsla fer fram í HR. Þá sér aðstoðarkennari um dæmatíma og aðstoðar stúdenta á staðnum í kennslustofu í HA.
Föstudaginn 8. september fór fram námskeiðið Hugmyndavinna sem allir nýstúdentar í tæknifræði taka. „Námskeiðið er ætlað til þess að brjóta upp misserið og að nýnemar í tæknifræði geti kynnst betur. Unnið er í hóp með verkefni þar sem takmarkaðar upplýsingar eru fyrir hendi og þurfa stúdentar að leysa verkefnin með hugmyndaauðgi. Í ár voru hóparnir tíu og tveir þeirra voru skipaðir stúdentum í iðnaðar- og orkutæknifræði við HA. Í lok dags kynntu allir hópar verkefnin sín og jafningjamat fór fram samtímis og kynntu stúdentar HA sín verkefni í gegnum streymi,“ segir Ásthildur Lára Stefánsdóttir, verkefnastjóri tæknifræðikennslu.
Stúdentar þurftu svo sannarlega að vera skapandi þegar kom að því að leysa fjölbreytt verkefni. Hér er dæmi um eitt þeirra verkefna sem stúdentarnir þurftu að leysa: „Þrautin gengur út á að græja ílát sem getur haldið sem mestu magni af vatni í að minnsta kosti 1 mínútu í 0,5 metra hæð án þess að leka. Lágmark vatnsmagn er 0,5 lítrar. Form, gerð og útlit ílátsins er algjörlega frjáls og í ykkar höndum. Einu kröfurnar eru að hún má ekki leka og halda sem mestum vökva.“
Í lok dags voru sigurvegarar kynntir en það voru stúdentar við HA sem báru sigur úr býtum. Í hópnum voru Arnar Logi Þorgilsson, Brynjar Már Halldórsson og Sigrún María Engilbertsdóttir.
Tæknifræðin er komin til að vera á Akureyri
Aðspurður segir Arnar Logi að samvinna og samheldni í hópnum eftir daginn hafi staðið upp úr. Þrátt fyrir að um keppni hafi verið að ræða vildu öll að öllum gengi vel og efldist samheldnin í stúdentahópnum að hans mati. Þá telur hann verkefnavinnu sem þessa nýtast til að efla einstaklinga að vinna í hóp. „Það er nauðsynlegt að vera góður að vinna í hóp. Það skiptir nánast engu máli hvaða leið þú ætlar í lífinu eftir námið, það mun alltaf koma sér vel að læra að vinna í hóp með allskonar fólki“ segir Arnar.
Arnar Logi segir að það sé gaman að vera hluti af fyrsta hópnum sem fer í gegnum námið á Akureyri og vonast hann til að geta haft jákvæð áhrif á þróun námsins. „Mín fyrsta reynsla af náminu er mjög góð. Þrátt fyrir að námið sé kennt í streymi þá eru ótrúlega lítið af vandamálum sem komið hafa upp. Námið sjálft er virkilega skemmtilegt en á sama tíma ákaflega krefjandi. Það sem hjálpar er að hópurinn er lítill en þéttur og stendur vel saman. Einnig erum við með frábæran kennara sem hjálpar okkur þegar á þarf að halda og blæs í okkur sjálfstrausti þegar þess þarf. Ég finn ekki fyrir neinu öðru en að allir sem standa að þessu séu að þessu af heilum hug og ég trúi því að þetta nám sé komið til að vera,“ segir Arnar Logi að lokum.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
