Skógarböðin Um 180 þúsund gestir alls staðar að úr heiminum
„Við erum mjög þakklát fyrir þessa viðurkenningu, þetta er mikið hrós til allra þeirra sem koma að Skógarböðunum. Við erum einstaklega heppin með það starfsfólk sem vinnur hjá okkur en það hafa allir lagst á eitt við að gera upplifun viðskiptavina eins góða og hún getur verið.,“ segir Kjartan Sigurðsson framkvæmdastjóri Skógarbaðanna en fyrirtækið hlaut viðurkenninguna Sproti ársins á uppskeruhátíð ferðaþjónustunnar á Norðurlandi.
Kjartan segir að frá því Skógarböðin voru opnuð í maí árið 2022 hafi verið tekið á móti um 180 þúsund gestum og koma þeir alls staðar að úr heiminum. „Fyrsta árið var meirihluti okkar gesta Íslendingar, en nú á þessu ári hefur það breyst og í þá átt að meirihluti gestanna eru erlendir. Hlutföllin eru á bilinu 70% útlendingar og 30% Íslendingar,“ segir hann. „Við erum mjög ánægð með hversu fjölbreyttur viðskiptavinahópur Skógarbaðanna er, þetta er langt í frá ákveðinn hópur sem nýtir sér böðin okkar, heldur er á ferðinni alls konar fólk.“
Aukning í sölu vetrarkorta
Skógarböðin eru að sögn Kjartans virkilega heppin með þá fastakúnna sem sækja böðin reglulega, en mikil aukning hefur verið í sölu vetrarkorta á milli ára. Breyting var gerð á sölu vetrarkorta í þá átt að nú eru í boði þrenns konar kort og gilda yfir mislangan tíma, 3ja mánaða kort, 6 mánaða og upp í 9 mánaða kort. „Það er skemmtilegt að segja frá því að þeir sem voru með vetrarkort hjá okkur í fyrra hafa nánast allir endurnýjað þau auk þess sem nýir viðskiptavinir hafa bæst í hópinn.“
Kjartan segir að bjart virðist fram undan og hjá Skógarböðunum horfi menn til spennandi framtíðar. Hann nefnir að Markaðsstofa Norðurlands hafi unnið frábært starf til að gera svæðið að áhugaverðum stað fyrir heilsárs ferðaþjónustu „og sjáum við það best í því að nú hefur EasyJet gert Akureyri að nýjasta áfangastað sínum, Það eru mikil tækifæri í greininni hjá okkur og það verður gaman að sjá vöxt hennar á næstu árum,“ segir hann.
Tekist að skapa vöru sem er eftirtektarverð og eftirsótt
Fram kemur í umsögn frá Markaðsstofu Norðurlands með viðurkenningunni Sproti ársins að á Norðurlandi séu gott úrval baðstaða. Skógarböðin – Forest Lagoon hafi komið eins og stormsveipur inn á þann markað með upplifun sem vakið hafi mikla athygli, bæði innanlands og erlendis.
„Það er ekki síst vegna fagmennsku í þjónustu við gesti, sem upplifa það frá fyrstu sekúndu að hugað sé að öllum smáatriðum. Umhverfi baðanna er enda einstakt og gjörólíkt því sem boðið er upp á annarsstaðar. Þannig hefur tekist að skapa vöru sem er bæði eftirtektarverð og eftirsótt og það hefur sýnt sig að eigendur fyrirtækisins náðu að nýta tækifærið sem gafst til að bjóða upp á nýja afþreyingu í svo mikilli nálægð við Akureyri. Áform eru um frekari uppbyggingu á svæðinu og ef jafn vel tekst til og með böðin má fólk í ferðaþjónustu og gestir eiga von á góðu.“
Kjartan Sigurðsson framkv.stj Skógarbaðanna
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
