30. október - 6. nóember - Tbl 44
Sara Fusco hlaut grænu kennsluverðlaunin
Mynd/Unak
Þriðja árið í röð veitir Umhverfisráð Háskólans á Akureyri Grænu kennsluverðlaunin. Verðlaunin eru veitt kennurum sem hafa tvinnað umhverfisvernd inn í námskeiðin sín. Yvonne Höller, formaður Umhverfisráðs afhenti verðlaunin í ár fyrir hönd ráðsins. Greint er frá þessu á vef HA.
„Með Grænu kennsluverðlaununum viljum við undirstrika hvernig bestu kennarar háskólans tengja sjálfbærni við nánast alla þætti lífsins með vísindalegri sérfræðiþekkingu sinni og skuldbindingu við umhverfið“ segir Yvonne.
Að þessu sinni er það Sara Fusco, stundakennari við Lagadeild sem hlýtur verðlaunin.
Sara hlýtur kennsluverðlaunin fyrir námskeiðið Mannréttindasáttmáli Evrópu (e. European Convention Of Human Rights). Sara er doktorsnemi við Lagadeild Háskólans Í Lappandi þar sem hún rannsakar þátttöku (og hvernig er horft til þeirra réttinda í ferlinu) frumbyggja í stjórnarskrárhyggju tengdri umhverfismálum og verndun náttúru á Norðurslóðum. „Ég einbeiti mér að því að skoða hvernig stjórnarskrár Norðurslóða aðlagast alþjóðlegum umhverfislögum og greini hvernig frumbyggjasamfélög og heimssýn þeirra taka þátt í þessu alþjóðlega lagaferli,“ útskýrir Sara.
Eins og áður sagði er Sara stundakennari við Lagadeild og er búsett á Akureyri og stundar doktorsnám við Háskólann í Lapplandi. Hún lauk LLM gráðu í heimskautarétti frá Lagadeild árið 2019 og hefur kennt við deildina frá árinu 2020.
„Á þessu misseri kenni ég samanburðarétt og mannréttindi en nýlega ætlaði ég að kenna nýtt námskeið sem heitir Green Transition and Anthropocene: Icelandic Ecological Strategies. Námskeiðið var ætlað fyrirtækjum en Háskólinn og Yvonne aðstoðuðu mig með því að leyfa jafnvel nemendum Háskólans á Akureyri að sækja það frá og með næsta ári. Ég sótti um verðlaunin með námskeiðinu Mannréttindasáttmáli Evrópu þar sem mannréttindi eru tengd heilbrigðu umhverfi,“ útskýrir Sara.
„Það er ekki hægt að útiloka félags-menningargreiningu þegar ég rannsaka áhrif loftslagsbreytinga. Náttúran er staðurinn þar sem manneskjur lifa og þroskast og þess vegna er mikilvægt að hafa félagsvísindin með til að ná Heimsmarkmiðum Sameinuðu þjóðanna um sjálfbæra þróun. Ég er nú að vinna að því að greina “Vistfræðilegri sorg frumbyggja” til að sýna hvernig lög ættu að taka upp menningarmiðaða nálgun á umhverfisvandamál, bætir hún við að lokum.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
