20. nóvember - 27. nóvember - Tbl 47
Sannkallaðir kyndilberar íþróttarinnar
Frá vinstri: Ásgeir Kristjánsson, Róbert Ragnar Skarphéðinsson og Kári Páll Jónasson. Mynd/epe
Sjálfboðaliðar frá Skíðagöngudeild Völsungs hafa árum saman staðið í gríðarlegri uppbyggingu á skíðasvæði Norðurþings á Reykjaheiði við Reyðarárhnjúk en það er með glæsilegri og vinsælli útivistarsvæðum Húsavíkinga yfir veturinn.
Gönguskíðaíþróttin hefur fyrir vikið vaxið mjög í vinsældum undanfarin ár og er fjöldi fólks sem nýtir sporið sem hefur verið troðið reglulega yfir allan veturinn.
Snöruðu upp staurum í myrkrinu
Fyrr í þessum mánuði voru þrír kappar á vegum gönguskíðadeildarinnar uppi á heiði að bæta enn á aðstöðuna. Þetta voru þeir Róbert Ragnar Skarphéðinsson, Ásgeir Kristjánsson og Kári Páll Jónasson. Þeir voru staddir á heiðinni að kvöldlagi fyrir skemmstu þegar blaðamann bar að garði og voru að koma fyrir heljarinnar staurum eða möstrum umhverfis göngubrautina. Á staurana eru svo festir ljóskastarar til að flóðlýsa göngusvæðið.
„Við fengum þessa staura gefins en fengum styrk frá Norðurþingi til að kaupa ljós og strengi. Þetta er bara til þessa að lýsa upp brautina og svo vorum við líka að ýta fyrir brautarstæðin, það hjálpar snjónum að safnast fyrir undir brautina,“ segir Kári Páll en þeir félagarnir nutu fulltingis Þórðar Sigurðssonar, gröfumanns.
Kallar eftir frekari uppbygginu
Aðspurður segir Kári jafnframt að aðstaðan sé að verða þokkaleg til gönguskíðaiðkunnar á Reykjaheiði en bætir við að það sárvanti ennþá viðunandi aðstöðuhús. „Já það vantar náttúrlega almennilegt hús þarna. Það er eitt hús fyrir bæði togbrautina og okkur gönguskíðafólkið. Þá vantar líka hús fyrir tækin, eins og snjótroðarann sem stendur alltaf úti,“ segir hann.
Kári segir að þeir hafi komið fyrir fimm staurum og tíu ljóskösturum til að byrja með. „Við byrjuðum að gera stutta braut rétt norðan við lyftuskúrinn til að sjá hvernig þetta kemur út og svo bara bætum við við þetta smám saman. Þetta lengir tímann sem hægt er að ganga í brautinni og þá skiptir líka máli að búið sé að ýta svona fyrir braut og þá safnast snjórinn betur ofan í þetta,“ segir Kári og bætir við að hann sé þegar búinn að þjófstarta vertíðinni.
„Ég byrjaði aðeins í gær [sunnudaginn 13. október] og það var kominn talsverður snjór ofan í brautina, nóg fyrir okkur klikkuðustu,“ sagði Kári að lokum.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
