20. nóvember - 27. nóvember - Tbl 47
Saga FVSA í 90 ár
Úlfhildur Rögnvaldsdóttir.
Þann 2. nóvember 2020 fagnar Félag verslunar- og skrifstofufólks Akureyri og nágrenni (FVSA) 90 ára afmæli sínu. Af því tilefni er nú unnið að ritun sögu félagsins. Góðar myndir segja alltaf sína sögu og því leitar félagið nú að sem flestum slíkum til að nota í þetta merka rit.
Verkið langt komið
Forsaga málsins er sú að um mitt ár 2017 var skipuð nefnd sem var falið að skoða þann möguleika að skrifa sögu félagsins. Nefndina skipa þau Úlfhildur Rögnvaldsdóttir, fyrrum formaður félagsins, Páll H. Jónsson, fyrrum formaður, Erla Hallsdóttir, fyrrum starfsmaður til fjölmargra ára og Kristín Þorgilsdóttir, skrifstofustjóri FVSA. Nefndin samdi á haustdögum 2017 við Jón Þ. Þór, sagnfræðing, um að annast verkið. Í árslok 2019 var svo Bragi V. Bergmann hjá FREMRI almannatengslum fenginn til að vera ritnefndinni og Jóni til halds og trausts á endasprettinum.
„Þetta hefur allt gengið ljómandi vel og nú förum við að sjá fyrir endann á verkinu,“ segir Úlfhildur Rögnvaldsdóttir, formaður afmælisnefndarinnar. Hún segir að saga félagsins sé á margan hátt sérstök og í raun stórmerkileg. „Það er til dæmis ekkert sjálfgefið að félag í Eyjafirði haldi sjálfstæði sínu í alla þessa áratugi á sama tíma og nánast öll önnur verslunarmannafélög annars staðar á landinu hafa sameinast VR. Ég er afskaplega stolt af þeirri staðreynd,“ segir hún.
Okkur vantar myndir!
Sem fyrr segir er sögurituninni að mestu lokið en nú hugar nefndin að endanlegum frágangi verksins. „Og þá horfum við ekki síst til myndmálsins,“ segir Úlfhildur. Hún segir félagið sjálft eiga mikið af myndum og sömu sögu sé að segja af Minjasafninu á Akureyri, sem varðveiti myndir allra helstu ljósmyndara bæjarins að fornu og nýju.
„Okkur langar samt að leita til Eyfirðinga nær og fjær og vita hvort þeir eigi mynd eða myndir í fórum sínum, sem gætu átt heima í ritinu okkar,“ segir Úlfhildur. Meðal mynda sem gætu hentað eru myndir úr verslunum fyrri ára og öðrum fyrirtækjum þar sem félagsmenn FVSA starfa eða störfuðu. Ennfremur götumyndir eða myndir af einstökum verslunum og fyrirtækjum, myndir frá merkum stundum í sögu félagsins, myndir frá verkfallsátökum fyrri ára – og þannig þannig mætti lengi telja.
Úlfhildur hvetur þá sem telja sig eiga myndir sem gætu komið að gagni til að senda félaginu tölvupóst á netfangið fvsa@fvsa.is eða hringja í síma 455 1050.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
