Safna fyrir barnaheimili í Kenía
Hjónin á Hraunkoti í Aðaldal í Suður-Þingeyjarsýslu, Kolbeinn Kjartansson og Tora Katinka Bergeng, ætla að vera með opinn dag í sveitinni fyrir gesti og gangandi á morgun, uppstigningardag, frá kl. 13.00 til 16.00. Tilgangurinn er safna peningum til styrktar barnaheimili í Kenía, Hekima Place en um er ræða barnaheimili sem tekur á móti og elur upp stúlkur sem misst hafa foreldra sína úr alnæmi.
Fram að þessu hafa stúlkurnar þurft að flytja á heimavist þegar þær fara í menntaskóla. Nú stendur til að byggja menntaskóla hjá barnaheimilinu og bjóða börnum í þorpinu líka upp á frekari skólagöngu. Í febrúar sl. fóru Kolbeinn og Tora til Kenía, heimsóttu m.a. barnaheimilið, hrifumst mjög af því starfi sem þar fer fram og því starfi sem þarna er unnið fyrir þessar stúlkur. Þau vilja leggja sitt af mörkum og ætla því að bjóða upp á skemmtilegan dag á Hraunkoti, fyrir jafnt unga sem aldna, sem vilja koma og skoða dýrin þeirra og upplifa sveitastemninguna. Aðgangseyrir er 1.000.- krónur á mann og innifalið í aðgangseyrinum, fyrir utan það að fá að heilsa upp á dýrin, er kaffi, vöfflur og djús.
„Á Hraunkoti er fjölbreytt dýralíf, kýr, naut og kálfar, kindur og nýfædd lömb, hænur, hundur og hestar og nýlega fæddust sex kanínuungar sem einnig verða til sýnis. Þá verða hestarnir til taks og verður teymt undir þeim sem vilja fara á bak. Einnig verður hoppukastali á staðnum fyrir yngstu börnin. Kolbeinn og Tora vonast til að sjá sem allra flesta á Hraunkoti þar sem gestir geta átt ánægjulegan dag og um leið stutt við þetta verkefni þeirra,“ segir í tilkynningu.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
