20. nóvember - 27. nóvember - Tbl 47
Nýsköpun og nútíminn
Ingibjörg Benediktsdóttir
Ingibjörg Benediktsdóttir skrifar
Hafnarstéttin - hjarta atvinnulífsins
Á Hafnarstéttinni á Húsavík er að eiga sér stað hljóðleg bylting. Þekkingarsamfélagið sem þar hefur starfað undanfarin ár er að taka stakkaskiptum um þessar mundir. Nýtt frumkvöðlasetur er orðið til, Hraðið-nýsköpunarmiðstöð, og ný FabLab-smiðja - FabLab Húsavík - með nýjum búnaði og aðstöðu, nýjum störfum, nýjum fyrirtækjum. Þá eru stofnanirnar sem fyrir voru að eflast og bæta við sína aðstöðu að öllu leyti, og enn fleiri að bætast í hópinn. 30 heilsársstörf, tugir árstíðabundinna starfa, 5 stofnanir og fjölgandi óstaðbundin störf fyrirtækja og stofnana. Allt þetta hefur orðið til á hálfum öðrum áratug og verið almennt fjármagnað með grunnframlögum úr ríkissjóði sem svo eru margfölduð með sjálfsaflafé af einkamarkaði og úr erlendum sjóðum.
Sveitarfélagið efli stuðning
Norðurþing þarf af styðja við uppbyggingarverkefni eins og starfsemina á Hafnarstétt með meira afgerandi hætti á komandi kjörtímabili. V-listi mun beita sér fyrir stefnumörkun í þessa veru, sem setur nýsköpun og þekkingarstarfsemi á oddinn í aðgerðum í þágu atvinnulífs í Norðurþingi. Það er nauðsynlegt að auka samstarf og beita sveitarfélaginu meira til eflingar einstakra eininga og stofnana. Ekki á þeim forsendum að verið sé að styðja utanaðkomandi góðgerðarstarf, heldur vegna augljósra og mikilla hagsmuna Norðurþings af því að starfsemin eflist og haldi áfram að draga til sín og skapa ný störf og fjármuni utan frá, til nýsköpunarvinnu af margvíslegu tagi í þágu atvinnulífs í sveitarfélaginu.
Fólk skapar störf, störf ekki fólk
Það hefur verið ríkjandi skilningur á liðnum áratugum að til að geta flutt á tiltekinn stað til búsetu, til dæmis til Húsavíkur eða Raufarhafnar, þá sé atvinnan/starfið forsendan. Helst klæðskerasniðið starf, auglýst í sunnudags-Mogganun á heppilegum tíma. Nútíminn hefur verið að snúa því svolítið við hvernig við hugsum um þetta. Það er nefnilega fólk sem skapar störfin, en ekki störfin sem skapa fólkið. Og það er gert með nýsköpun. Nýsköpun sem felst í að finna upp eitthvað nýtt og þróa það og koma á koppinn, eða draga til okkar eitthvað sem þekkt er annars staðar en verður nýsköpun fyrir okkur. Við þurfum að hjálpa okkur sjálfum við að hjálpa okkur sjálf. Koma okkur upp góðum suðupottum þar sem nýsköpun mallar á mátulegum hita samhliða atvinnulífinu okkar.
Ingibjörg Benediktsdóttir
Höfundur er í 2. sæti á V-lista í Norðurþingi
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
