20. nóvember - 27. nóvember - Tbl 47
Kvikmynda og dagskrárgerð til umræðu á Húsavík
Á morgun, 26, júní opnar nýtt myndver Castor Miðlunar á Húsavík. Castor Miðlun er nýtt framleiðslufyrirtæki á Norðurlandi, sem sérhæfir sig í dagskrárgerð og framleiðslu á lifandi viðburðum og beinum útsendingum fyrir sjónvarp og vef. Starfsemin byggir á grunni áratugalangrar sögu fjölmiðlastarfsemi og dagskrárgerðar á Norðurlandi - og markmið þess er að á Norðurlandi starfi öflugt sjálfstætt framleiðslufyrirtæki sem getur speglað sérstaklega raddir og menningu þeirra rúmlega 140 þúsund Íslendinga sem búa utan höfuðborgarsvæðisins.
Fyrsti áfangi í þeirri vegferð er opnun myndversins, en þar má finna fullkomna aðstöðu til upptöku og útsendinga, með myndstjórn og 70 fermetra upptökusal, ásamt aðstöðu til eftirvinnslu. Lilja Dögg Alfreðsdóttir, ráðherra menningarmála mun opna aðstöðuna og ávarpa málþing sem haldið verður samhliða opnuninni þar sem rætt verður um tækifæri og áskoranir í kvikmynda- og dagskrárgerð á landsbyggðinni.
Málþingið ávarpa Lilja Dögg Alfreðsdóttir, Skarphéðinn Guðmundsson, dagskrárstjóri RÚV, Baldvin Zophoníasson kvikmyndagerðarmaður, Atli Örvarsson kvikmyndatónskáld, Hilda Jana Gísladóttir bæjarfulltrúi og fjölmiðlakona, og Rakel Hinriksdóttir blaða- og dagskrárgerðarkona. Málþinginu stýrir Hildur Halldórsdóttir, menningarfulltrúi SSNE.
,,Það er okkur hjartans mál að halda áfram öflugu starfi í dagskrár- og kvikmyndagerð í héraði. Á Akureyri var starfrækt fyrsta sjónvarpsstöð landsins og hér er löng saga og hefð fyrir framleiðslu á efni fyrir sjónvarp og myndmiðla. Þá spilar auðvitað inn í að í fjórðungnum er fjöldi fólks með reynslu og þekkingu á dagskrár- og kvikmyndagerð, bæði tæknifólk, fréttamenn, handritshöfundar og fleira - og markmiðið er auðvitað líka að búa til tækifæri og atvinnu fyrir þennan stóra hóp.” segir Ingimar Björn Eydal, einn eiganda Castor Miðlunar.
Dagskráin hefst kl. 13.00 og öll eru velkomin.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
