20. nóvember - 27. nóvember - Tbl 47
Dalakofinn í 10 ár
Haraldur Bóasson og eiginkona hans, Þóra Fríður Björnsdóttir. Þau hafa staðið vaktina í Dalakofanum í áratug.
Haraldur Bóasson og eiginkona hans, Þóra Fríður Björnsdóttir hafa haldið úti veitingarekstri á Laugum í Reykjadal í 10 ár. Þau reka Dalakofann, vinalegan veitingastað og kjörbúð sem mætti segja að sé ákveðin kjölfesta í samfélaginu á Laugum.
Þann 1. september sl. héldu hjónin kaffisamsæti í Dalakofanum til að fagna 10 ára rekstrarafmæli. Um og yfir 70 manns komu saman og fögnuðu tímamótunum.
Vikublaðið tók Harald tali en hann sagði að þrátt fyrir mikla vinnu þá væri veitingareksturinn alltaf jafn gefandi.
Hvernig kom það til að þið hjónin ákváðuð að fara út í veitingarekstur?
„Ég var áður í stjórn útibús ehf. sem átti fyrirtækið og við vorum með aðra í vinnu við að reka þetta. Ég sá um bókhaldið og launin að einhverju leiti. Þannig að ég var aðeins innvinklaður í fyrirtækið án þess að vinna þar,“ útskýrir Haraldur og bætir við að þau hafi staðið á tímamótum. Hjónin höfðu rekið gistiheimili í Mývatnssveit og voru nýlega komin út úr því. „Svo eftir að við seldum svínabúið í Pálmholti, þá bara datt mér í hug af því að við bjuggum á Laugum hvort við ættum ekki bara að kaupa þetta. Við keyptum reksturinn árið 2011 og tókum þá strax við. Við höfum ekki litið um öxl síðan,“ segir hann.
Árstíðarsveiflur
Aðspurður segist Haraldur finna vel fyrir árstíðasveiflum í Dalakofanum. „Jú það eru gríðarlegar sveiflur á milli sumars og veturs, það munar náttúrlega alveg heilmiklu. Veturinn hefur samt verið að fara vaxandi með aukinni komu ferðamanna allt árið áður en Covid skall á. Við höfum getað haldið þessu opnu allt árið.“
Þá eru þau með litla kjörbúð í Dalakofanum, með sér inngangi og veita þannig íbúum kærkomna þjónustu enda eina versluninn á Laugum
„Þetta er nú engin heildsala. Fólk er svona að nota þetta ef vantar smáræði, þá tekur fólk það hjá okkur en þetta fúnkerar vel saman,“ segir Haraldur.
Dalakofinn er frægur í landsfjórðungnum fyrir pizzurnar sínar og Haraldur viðurkennir hóvær þegar gengið er á hann að hann fái talsvert hól fyrir þær. Vinsælasti rétturinn er þó Dalaborgarinn. „Ef ég ætti að taka eitthvað eitt út þá er það Dalaborgarinn sem við búum mest til af.“
Hádegishlaðborðin klassísk
„Við höfum alla tíð verið með heimilismat í hádeginu og erum með alveg fastan kjarna sem kemur reglulega að borða. Við erum sem betur fer með nokkuð fast 15-30 manns í hádeginu. Það getur líka gerst að það fari vel upp fyrir 30 manns og þá klárast maturinn og fólk fær sér þá bara af matseðli,“ segir Haraldur að lokum en hann deilir með okkur dýrindis uppskrift af hakkbollum að hætti hússins.
Hakkbollur eru
1 kg. hakk
1 egg
1 laukur
1 pk. púrrulaukssúpa
1 msk grillmix
aðeins raspur
kjötkraftur, timian og hveiti
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
