30. október - 6. nóember - Tbl 44
Byggir á gömlu góðu gildunum úr æsku sinni
Gunnlaugur (Til vinstri) ásamt Dóru Ármannsdóttur, eiginkonu sinni og Stefáni Jónssyni þegar þau tóku við viðurkenningunni árið 2019. Sögin hlaut viðurkenninguna sjötta árið í röð á dögunum.
Sögin ehf. í Reykjahverfi hlaut á dögunum viðurkenningu frá Creditinfo sem framúrskarandi fyrirtæki árið 2023. Þetta er sjötta árið í röð sem fyrirtækið fær þessa nafnbót. Gunnlaugur Stefánsson framkvæmdastjóri fyrirtækisins segir í samtali við Vikublaðið að hann sé stoltur af árangrinum undan farin ár.
Eitt elsta trésmíðafyrirtæki landsins
Sögin er sérhæft fyrirtæki í vinnslu og verslun með byggingarvöru úr timbri. Félagið var stofnað 1941 í Reykjavík og er því eitt af elstu starfandi trésmíðafyrirtækjum landsins. Starfsemi fyrirtækisins var lengst af í Höfðatúni 2 í Reykjavík eða allt þar til Trésmiðjan Rein og tengdir aðilar keyptu félagið árið 1999 en þá var framleiðslustarfsemin flutt að Stóru Reykjum í Reykjahverfi við Húsavík.
Öll innlend framleiðsla fyrirtækisins fer nú fram í verksmiðjuhúsnæði félagsins á Stóru Reykjum en söludeild og sýningarsalur er í húsnæði félagsins á Smiðjuvegi 16 í Kópavogi. Sögin flytur einnig inn hálf og fullunnar vörur úr timbri frá erlendum undirverktökum og birgjum í Þýskalandi, Belgíu, Hollandi, Danmörku og Svíþjóð.
„Við erum náttúrlega með frábært starfsfólk og trygga viðskiptavini númer eitt, tvö og þrjú. Svo náttúrlega gömlu góðu gildunum sem manni var kennt í æsku,“ segir Gunnlaugur spurður hverju hann þakki árangur fyrirtækisins.
Sögin er í dag einn stærsti innflytjandi og úrvinnsluaðili landsins á harðviði og liggur að jafnaði með um 100 rúmmetra af harðviði og hágæða furu á lager í ýmsum tegundum og stærðum.
„Við erum með verkstæðið okkar í Reykjahverfinu þar sem við framleiðum vörur úr timbri. Gólflista, gerefti, þröskulda, borðplötur og fleira. Svo erum við með söluskrifstofu í Reykjavík þar sem við flytjum inn vörur sem við látum framleiða fyrir okkur erlendis og komum þeim beint til viðskiptavina. Það er svona helmingur af tekjum félagsins sem koma úr þeirri starfsemi," segir Gunnlaugur.
Blómlegt atvinnulíf í Reykjahverfi
Reykjahverfi sem er fámennt dreifbýli rétt utan Húsavíkur hefur vakið athygli fyrir blómlegt atvinnulíf en þar eru mörg öflug fyrirtæki auk Sagarinnar. „Jú það hefur alltaf verið öflugt atvinnulíf í Reykjahverfinu og það er mjög merkilegt. Maður sér það bara á lista yfir fyrirtæki í þessum samfélögum í Þingeyjarsveit, þá erum við með fjögur a.m.k. Þetta hefur verið ríkt í íbúum Reykjahverfisins og þetta byggir á gömlum og traustum grunni,“ segir Gunnlaugur og bætir við að sjö stöðugildi séu í Söginni. „Þar af tvö í Kópavogi og sá þáttur í starfseminni hefur vaxið á undanförnum árum. Þar sem við látum framleiða fyrir okkur vörur erlendis og seljum frá erlendum samstarfsaðilum okkar,“ segir Gunnlaugur að lokum.
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
