Veljum samstöðuna
Ástandið sem nú ríkir um allan heim og einnig í samfélagi okkar hér á Akureyri, er öðruvísi en allt sem við höfum áður kynnst. Það sem hefur gerst á síðustu vikum líkist einna helst stríðsástandi með tilheyrandi áfalli fyrir alla sem upplifa hildarleikinn. Vágesturinn Covid-19 hefur lamað heimsbyggðina og sett allt úr skorðum. Þegar þannig háttar er mikilvægast af öllu að fólk kjósi samstöðu umfram sundrungu, sýni mátt sinn og megin.
Störf okkar allra hafa breyst og jafnvel horfið tímabundið. Í starfi mínu hef ég á síðustu dögum og vikum fengið að kynnast ótrúlegri elju og útsjónarsemi fólksins sem vinnur fyrir sveitarfélagið og einnig allra annarra sem hér búa og starfa á ólíkum vettvangi. Ég á varla til nógu sterk orð til að hrósa þessu frábæra fólki. Það er sama hvert litið er.
Sjúkraflutningafólk leggur sig allt fram við að bjarga lífi í fyrsta viðbragði. Starfsfólk skólanna hefur aðlagað starf sitt á undraskömmum tíma að breyttum aðstæðum. Það er störfum fólksins í leik- og grunnskólum að þakka að fólkið sem stendur í framvarðalínunni í baráttunni við veiruna skæðu, heilbrigðisstarfsfólk, lögregla og aðrir, getur sinnt störfum sínum af fullum þunga.
Allir í velferðarþjónustunni sem sinna öldruðum, fötluðum og öllum þeim sem minna mega sín við algjörlega nýjar aðstæður, eiga líka endalausar þakkir skilið. Þar hefur starfseminni verið breytt þannig að fyllsta öryggis sé gætt í hvívetna og reynt er að tryggja að allt gangi snuðrulaust fyrir sig við afar erfið skilyrði. Fólkið sem ryður götur og stíga, sorphirðumennirnir sem ganga fumlaust til verka. Það er sama hvar borið er niður.
Allt samfélagið er ein keðja þar sem hver hlekkur skiptir máli og helsta vörn okkar í þessari baráttu er samstaðan. Að allir leggi sitt af mörkum og snúi bökum saman.
Veljum samstöðuna, sigrumst á óværunni og stöndum uppi sterkari en áður þegar þessu stríði lýkur.
Munum líka hvert um sig að semja viðbragðsáætlun fyrir okkur sjálf og okkar nánustu. Verum viðbúin með áætlun um hvað skuli gera, hvernig skuli ræða málin, hvernig beri að taka á vandanum ef hann knýr dyra hjá okkur og einhver nákominn veikist. Myndum kærleikskeðju með nágrönnum og ættingjum. Hjálpum hvert öðrum og sýnum hvað í okkur býr. Veljum samstöðuna.
Takk fyrir þrautseigjuna, baráttuþrekið og útsjónarsemina.
-----
Höfundur er bæjarstjóri á Akureyri.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
