Í kjölfar kjördæmaviku
Í liðinni viku, í svokallaðri kjördæmaviku, funduðu þingmenn kjördæmisins með okkur sveitarstjórnarfólki hér í Eyjafirði. Fundað var sameiginlega með öllum sveitarfélögum í firðinum og er þetta í annað skipti sem þetta form er haft á fundunum. Almenn ánægja er meðal sveitarstjórnarmanna með þetta fyrirkomulag því þannig gefst tækifæri til að koma á framfæri hvað brennur á einstaka sveitarfélögum og ekki síst hvaða sameiginlegu áherslur við höfum. Ekki þarf að koma á óvart að raforku- og samgöngumál eru þau mál sem mest eru rædd meðal sveitarstjórnarfólks.
Raforkan í brennidepli
Raforkumál hafa verið í brennidepli um all langt skeið og því miður hefur lítið þokast. Þó hefur barátta okkar heimamanna skilað því að Landsnet hefur nú tekið upp breytt og bætt vinnubrögð. Stofnað hefur verið verkefnaráð um Hólasandslínu 3 sem ætlað er til að miðla upplýsingum til sveitarfélaga og hagsmunaaðila og ekki síður til að taka samtalið. Þessi vinnubrögð hafa fengið góð viðbrögð og eykur bjartsýni mína á að framkvæmd Hólasandslínu 3 verði að veruleika á næstu 3-5 árum. Landsnet hyggst fljótlega taka upp samskonar verkefnaráð vegna Blöndulínu 3 en mikilvægt er að koma því verkefni aftur af stað. Því miður gæti sú framkvæmd orðið tafsamari en eins og kunnugt er hefur línulögn mætt mikilli andstöðu bæði hjá landeigandum í Skagafirði og Öxnadal. Ekki jók það bjartsýni mína þegar frétt kom um að nú skorti einungis stimpil umhverfisráðherra til að friða jörðina Hóla í Öxnadal. Tel ég fullvíst að friðunin muni torvelda mjög uppbyggingu flutningskerfis raforku og hef ég bent nokkrum þingmönnum kjördæmisins sem og samgönguráðherra á alvarleika málsins.
Flugvöllur og framtíðaruppbygging
Uppbygging flugvallarins hér á Akureyri er mikið hagsmunamál allra sveitarfélaga á svæðinu og að mínu mati eitt stærsta hagsmunamál sem við stöndum frammi fyrir. Nú liggur fyrir að komið verður upp aðflugsbúnaði (ILS búnaði) fyrir haustið sem er lykilatriði til að styðja við og tryggja í sessi millilandaflug um Akureyrarflugvöll. Í framhaldinu þarf svo að huga að næstu skrefum varðandi uppbyggingu flugvallarins. Fram kom í máli þingmanna að þeir þyrfti að fá frekari gögn til að styðjast við í umræðunni. Var í kjölfar fundarins ákveðið að leggja til við stjórn Eyþings að í tengslum við áhersluverkefni sóknaráætlunar verði unnin uppbyggingarskýrsla vegna flugvallarins hér á Akureyri og stefnt að því að skýrslan liggi fyrir á vormánuðum. Tilgangur skýrslunnar verði að taka saman helstu upplýsingar varðandi framtíðaruppbyggingu flugvallarins og geti nýst stjórnvöldum sem og hagsmunaaðilum í næstu skrefum í þessu stóra hagsmunamáli okkar.
-Guðmundur Baldvin Guðmundsson, formaður bæjarráðs Akureyrar og formaður Eyþings.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
