Brúum bilið milli fæðingarorlofs og leikskóla
Að brúa bilið milli fæðingarorlofs og leikskóla á Íslandi þarf að vera forgangsmál og er nauðsynlegt að það sé samstarfsverkefni ríkis og sveitarfélaga. Markmið Akureyrarbæjar hefur verið að tryggja öllum börnum leikskólavist við 18 mánaða aldur. Innan fárra ára er nauðsynlegt að miða við 12 mánaða aldur og að ríkið lengi fæðingarorlofið í 12 mánuði á móti.
Á núverandi kjörtímabili kom þó upp sú staða að börn komust ekki inn á leikskóla 18 mánaða. Ástæðan var að mun fleiri fluttu til bæjarins en áætlanir gerðu ráð fyrir. Það er auðvitað gleðilegt í sjálfu sér að ungum Akureyringum hafi fjölgað, en því fylgdu vaxtarverkir. Þess vegna var tímabundið ekki hægt að tryggja öllum 18 mánaða börnum leikskólapláss, sem að sjálfsögðu er ómöguleg staða fyrir foreldra.
Viðbrögð Akureyrarbæjar voru að ráðast í margvíslegar aðgerðir:
- Börnum var fjölgað á deildum þar sem það var hægt
- Stofnuð var 5 ára deild við Glerárskóla
- Leitast var við að fjölga dagforeldrum
- Samstarf við nágrannasveitarfélög um tímabundin leikskólapláss
- Kannaðir möguleikar á opnun fleiri 5 ára deilda
Með þessum ráðstöfunum tókst að tryggja flestum börnum leikskólavist við 18 mánaða aldur, en vandinn leysist þó ekki að fullu fyrr en nú í sumar. Í ár fer stór árgangur upp í grunnskóla og þá verða aftur næg leikskólapláss fyrir öll 18 mánaða börn. Lausn málsins er þó ekki síst metnaðarfullu og faglegu starfi starfsfólks leikskóla og starfsfólks fræðslusviðs Akureyrarbæjar að þakka.
##Stuðningur við barnafjölskyldur
Í þessu samhengi hefur lokun leikskólans Hlíðarbóls árið 2016 verið gagnrýnd. Sá leikskóli var lítill og hvert pláss þar var dýrara en í þeim leikskólum sem bærinn rekur sjálfur. Á þeim tíma var ekki þörf fyrir Hlíðaból. Sú niðurstaða miðaðist við bestu áætlanir og um eðlilega fjölgun í bænum, þannig að næg leikskólapláss væru í öðrum leikskólum bæjarins.
Eins og áður segir þá þarf til framtíðar að bjóða öllum börnum leikskólapláss frá 12 mánaða aldri. Að þeirri breytingu þarf að vinna markvissa og faglega áætlun, enda nauðsynlegt að hafa fleira í huga en einfaldlega að byggja fleiri leikskóla. Nauðsynlegt er til að mynda að tryggja áfram nægilega marga menntaða leikskólakennara til starfa, fækka aftur á deildum þar sem fjölgað var, auk þess að bjóða upp á aðstöðu sem hentar yngri börnum.
Samfylkingin leggur áherslu á félagslegt réttlæti og öflugan stuðning við barnafjölskyldur og þarf að fá gott brautargengi í kosningunum í vor til að leikskólamál verði áfram í forgangi. Látum hjartað ráða för.
-Dagbjört Pálsdóttir, bæjarfulltrúi og formaður fræðsluráðs Akureyrarbæjar, skipar 2.sæti Samfylkingarinnar á Akureyri.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
