Anna María með besta árangur Íslendings á heimslista
Heims- og Evrópulisti World Archery var uppfærður í dag eftir heimsbikarmótið í París og Anna María Alfreðsdóttir 19 ára bogfimikona úr Íþróttafélaginu Akri á Akureyri er þar í 60 sæti á heimslista og 30 sæti á Evrópulista. Það er einnig hæsta sæti á heims- og Evrópulista sem Íslendingur hefur náð í íþróttinni hingað til. Það er vefmiðillinn Bogfimi.is sem greinir frá.
Anna byrjaði sterk á þessu ári með 4 sæti á EM innandyra (U21) í Febrúar í Slóveníu og svo þriðja sæti á Veronicas Cup World Ranking Event í maí í Slóveníu. Á EM utandyra í Munchen í júní endaði hún í 17 sæti og svo í 33 sæti á heimsbikarmótinu í París í júní. Á EM og heimsbikarmótinu var Anna slegin út í lokakeppni með naumum mun á móti keppendum frá Kóreu og Tyrklandi. Kórea og Tyrkland eru einu tvær þjóðirnar sem unnu til gull verðlauna á síðustu Ólympíuleikum og meðal sterkustu bogfimiþjóða í heiminum.
Anna er næst hæst Norðurlandabúa á heimslista í trissuboga kvenna og er á hraðri uppleið. Samtals eru 12 Norðurlandabúar meðal 300 efstu á heimslista trissuboga kvenna, af þeim 12 eru 6 Íslendingar. Ísland er með annað sterkasta trissuboga kvenna lið á Norðurlöndum í 30 sæti á heimslista og 13 sæti á Evrópulista á eftir fyrrum heims- og Evrópumeisturum Danmörku sem verma 17 sæti á heimslista og 9 sæti á Evrópulista miðað við stöðuna í dag. Topp þrjár konur á Norðurlöndum eru:
- Tanja Gellenthien – Danmörk (8)
- Anna María Alfreðsdóttir – Ísland (60)
- Natasha Stutz – Danmörk (85)
Anna er áætluð til keppni í tveim landsliðsverkefnum ungmenna til viðbótar það sem eftir er af utandyra tímabilinu 2022, þar sem hún stefnir að því að vinna til verðlauna með U21 liðinu. En það mun ekki hafa áhrif á stöðu Önnu á heimslista þar sem ekki eru gefin stig á heimslista fyrir þau mót. Stig á heimslista eru aðeins gefin til þeirra íþróttamanna sem komast í topp 64 sæti á alþjóðlegum stórmótum í opnum flokki (fullorðinna) s.s. HM/EM, heims- og Evrópubikarmótum og þau stig gilda í 2 ár. Aðeins eitt mót er eftir af þessu ári sem gefur stig á heimslista sem er heimsbikarmótið í Medellin Kólumbíu, en ólíklegt er að það hafi mikil áhrif á stöðu Önnu á heimslista þó að hún sé ekki skráð til keppni þar vegna kostnaðar ferðalagsins. Einhverjar líkur eru á því að Anna muni hækka eitthvað til viðbótar á heimslista á þessu ári þegar að úrslit eldri alþjóðlegra stórmóta falla úr gildi.
| Norðurlandameistaramót Ungmenna | Finnland – Kemi – 15-17 júlí 2022 |
| European Outdoor Youth Championships | Bretland – Lilleshall – 14-21 ágúst 2022 |
Anna er íþróttamaður á hraðri uppleið sem er vel vert að fylgjast náið með í framtíðinni, sérstaklega í ljósi þess heimssambandið World Archery hefur lagt til að bæta við trissubogaflokki á Ólympíuleikana 2028 í Los Angeles.
Nýjast
-
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar. -
Fjárhagsáætlun Akureyrarbæjar fyrir árið 2025 lögð fram
Fjárhagsáætlun Akureyrarbæjar fyrir árið 2025 var lögð fram á fundi bæjarstjórnar sem haldinn var í Hrísey í dag. Rekstrarafkoma A- og B-hluta er áætluð jákvæð um 1.414 milljónir króna eftir fjármagnsliði og tekjuskatt. Jafnframt var lögð fram þriggja ára áætlun áranna 2026-2028. -
Sannkallaðir kyndilberar íþróttarinnar
Lýstu upp gönguskíðasvæði Húsavíkinga -
Baráttan sem ætti að sameina okkur
Það liggur þráður í íslensku þjóðarsálinni sem tengir okkur við landið. Okkur þykir vænt um það, við erum stolt af náttúrunni. Þó getur hlaupið snurða á þráðinn þegar samfélögum er stillt upp við vegg og þeim lofað öllu fögru, séu þau tilbúin að fórna náttúrunni. Fólk og fjármunir streymi til viðkvæmra svæða í skiptum fyrir að landi sé sökkt, vatnsfarvegum breytt, vindorkuver reist á sjóndeildarhringnum eða firðir fylltir af fiskeldi. Jafnvel sálir sem elska landið sitt geta látið glepjast, en auðhyggjuöflin sem sjá hvern blett ósnortinnar náttúru sem vannýtt gróðatækifæri hafa hag samfélagsins aldrei að sínu markmiði. -
Tæplega 500 nemendur Lundarskóla frá námi.
Á miðnætti hófst verkfall í nokkrum leik og grunskólum á landinu og er Lundarskóli fjölmennasti grunnskóli bæjarins einn þeirra.
