27. nóvember - 4. desember - Tbl 48
Þrír nýir framkvæmdastjórar á Sjúkrahúsinu á Akureyri
Sjúkrahúsið á Akureyri. Mynd: Hörður Geirsson.
Ráðið hefur verið í þrjár stöður framkvæmdastjóra við Sjúkrahúsið á Akureyri sem auglýstar voru í nóvember sl. Stöðurnar eru veittar til 5 ára en nýir framkvæmdastjórar eru; Hildigunnur Svavarsdóttir framkvæmdastjóri hjúkrunar og jafnframt framkvæmdastjóri bráða-, fræðslu- og gæðasviðs, Sigurður E. Sigurðsson framkvæmdastjóri lækninga og jafnframt framkvæmdastjóri handlækningasviðs og Gróa B. Jóhannesdóttir framkvæmdastjóri lyflækningasviðs.
Nýir framkvæmdastjórar taka við störfum 1. febrúar nk. en þá tekur gildi nýtt stjórnskipulag og skipurit sjúkrahússins. Framkvæmdastjóranna bíða krefjandi verkefni við mótun innra skipulags á sviðunum og framkvæmd nýrrar stefnu sjúkrahússins með hagsmuni sjúklinga í fyrirrúmi.
Hildigunnur er 44 ára hjúkrunarfræðingur og hefur unnið á Sjúkrahúsinu á Akureyri í 17 ár. Hildigunnur útskrifaðist sem hjúkrunarfræðingur frá HA 1992. Hún lauk meistaranámi í hjúkrun við Caledoninan University í Glasgow árið 1997. Hildigunnur hefur starfað sem hjúkrunarfræðingur á slysa- og bráðamóttöku, verið hjúkrunardeildarstjóri, verkefnastjóri, skólastjóri sjúkraflutningaskólans og frá árinu 2008 starfað sem forstöðumaður deildar kennslu og vísinda. Auk þess hefur hún kennt við Háskólann á Akureyri. Hildigunnur hefur átt og á sæti í nefndum á vegum stjórnvalda á innlendum og erlendum vettvangi. Staðgengill framkvæmdastjóra bráða-, fræðslu- og gæðasviðs verður Jónas Franklín.
Sigurður E. Sigurðsson er 51 árs læknir og hefur unnið á Sjúkrahúsinu á Akureyri í 11 ár. Sigurður útskrifaðist sem læknir frá Háskóla Íslands 1987 og fékk viðurkenningu sem sérfræðingur í svæfingalækningum í Svíþjóð 1995 og á Íslandi 1997. Sigurður hefur lokið Diplómanámi í heilbrigðisvísindum með áherslu á stjórnun. Auk þess að starfa sem sérfræðingur í svæfinga- og gjörgæslulækningum hefur Sigurður m.a. gegnt starfi yfirlæknis á gjörgæsludeild, verið staðgengill framkvæmdastjóra lækninga og gegnt starfi framkvæmdastjóra lækninga frá júlí 2011. Sigurður hefur átt og á sæti í nefndum á vegum Velferðarráðuneytisins. Staðgengill framkvæmdastjóra handlækningasviðs verður Anna Lilja Filipsdóttir
Gróa B. Jóhannesdóttir er 42 ára læknir og hefur unnið á Sjúkrahúsinu á Akureyri í 5 ár. Gróa útskrifaðist sem læknir frá Háskóla Íslands 1995 og fékk viðurkenningu sem sérfræðingur í barnalækningum árið 2004. Gróa lýkur meistaranámi í opinberri stjórnsýslu vorið 2012. Auk þess að starfa sem sérfræðingur í barnalækningum hefur Gróa verið staðgengill yfirlæknis barnadeildar og starfað sem staðgengill framkvæmdastjóra lækninga frá maí 2011. Staðgengill framkvæmdastjóri lyflækningasviðs verður Þóra Ákadóttir starfsþróunarstjóri.
Þetta kemur fram á vef FSA.
Nýjast
-
Húsavík - Bæta umferðaröryggi barna við Borgarhólsskóla
Unnið hefur verið að því að undanförnu að bæta öryggi barna við skólalóð Borgarhólsskóla á Húsavík og hefur bílaumferð almennra ökutækja nú þegar verið stöðvuð inn á skólalóðina. -
Talsverður mótvindur og sýnilega ekki mikill samningsvilji
„Við tökum þessa ákvörðun sameiginlega eftir langa bið eftir svörum, við erum orðin þreytt á biðinn,“ segir Teitur Guðmundsson framkvæmdastjóri Heilsuverndar, en frá og með 1. desember hættir Heilsugæslan Urðarhvarfi starfsemi á Akureyri, en tveir læknar hafa starfað á hennar vegum á Akureyri. -
Náttúruöflin leiða saman hesta sína
Skálmöld og Hymnodia með stórtónleika í Hofi -
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki.
