27. nóvember - 4. desember - Tbl 48
Þingför eða aðför?
Ásta DF. Flosadóttir átti lokaorðið í blaðinu s.l. fimmtudag
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun.
Þessi kosningabarátta er aðeins sérstök, hún virðist frekar snúast um stemningu en málefni eða stefnu. Jafnrétti og bræðralag virðast dottin úr tísku. Öfgar eða minni öfgar eru málið. Sumir segjast vera með plan, en það var Bláa lónið líka með og fór frekar illa fyrir því... Línur milli vinstri og hægri virðast vera óskýrari, tilfinningin að vísu sú að eitthvað sé um úlfa og sauðagærur í því tilliti. Og spurningin sem liggur óspurð í loftinu, sennilega sú mikilvægasta af öllum; af hverju viltu fara á þing?
Á sunnudagsmorgun, fullveldisdaginn 1. desember, er nauðsynlegt að 63 manneskjur séu með svarið fastmótað. Ertu með hugsjón? Langar þig að bæta bresti í innviðum samfélagsins? Bæta leikreglurnar? Berjast fyrir þitt kjördæmi? Viltu fara á þing til að ganga erinda ákveðinna fyrirtækja? Ertu til sölu? Er stefnan að hlú að ríkisfjósinu eða selja bestu mjólkurkýrnar? Þarftu að sjá til þess að völdin haldist í ,,réttum” höndum, passa upp á hagsmuni fjölskyldu eða vina? Ætlarðu að kyssa vöndinn og hlýða flokknum? Viltu auka misskiptingu auðs og auðlinda landsins, eða hugsa um samfélagið sem heild? Skiptir fólk máli eða bara sumt fólk? Þjónn þjóðarinnar eða þrælahaldari? Er markmiðið að vinna með hinum 62 þingmönnunum og mæta samviskusamlega í vinnuna, eða ætlarðu að sitja heima og krota á myndir af þeim? Snýst þetta ef til vill bara um eigið egórunk, eðlilegt framhald af persónulegu framapoti?
Við þessum spurningum hafa kjósendur ekki fengið svör. Við getum bara getið okkur til um svörin. Í sumum tilfellum er það auðvelt, öðrum erfiðara. Og okkar er svo að skunda á kjörstað og kjósa rétt. Vonandi tekst það.
Nýjast
-
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti.
